Zirlai zingah ruihtheih thilin bu a khuar tawh – Minister

Zirlai zingah ruihtheih thilin bu a khuar nasa tawh a, nu leh pa pawhin fate chik leh ven a pawimawh tih School Education minister Lalchhandama Ralte chuan a sawi.
MZP Mamit Hqrs buatsaih Mamita zirlai tithate chawimawina a hmanpuinaah School Education minister chuan zirlai naupang thenkhat zingah ruihtheih thilin bu a khuar nasa hman a, ruihhlo hmuh tur a tam tial tial a, kan naute a man beh lohna’n nu leh paten mahni fate chik leh ven a pawimawh tih a sawi. Zirlaite chu ruihhlo ti chunga lehkha zir an hlawhtling ngai lo tih hrereng tur te, khawi hmunah pawh hun vawng dik tur te in a chah.
Zirna chu hmasawnna hnukpui innghahna a ni a, sawrkarin awmze neiin zirna a kalpui mek tih sawiin, “Naupang te zual kaihhruai nan Zirtirh bute – Nambar bu siam a ni a, naupangten an hnam ropuina leh hlutna an theihnghilh lohna’n pawl VI, VII, VIII ten ‘Zonun’ tih zirlaibu an zir mek. High school zirlaiten science leh mathematics mahni tawnga an thiam theihna’n Bilingual textbook siam a ni a, higher secondary school tan siam leh mek a ni. Tawng dik humhalhna’n Mizo Language Development Board din a ni a, sikulah Zo hnam leh Kristianna dah pawimawh nan, ‘Ro min relsak ang che’ tih hla chu sak thin tura tih a ni,” Lalchhandama Ralte hian a ti.