Zirlaite lehkha zirna tur a thlawnin tum sak dawn

Mizoram \halai (zirlaite) hmakhua ngaiin zirna \ha zawk an zir theihna tur leh state danga zirna in \ha zawka lehkha an zir theihna atan Assam Rifles, NIEDO leh Axis Bank te chuan thawhhona thuthlung an ziak.
He hun hmanpuitu larsap Dr. Hari Babu Kambhampati chuan Axis Bank leh NIEDO te’n Assam Rifles \hahnem ngaihna \awmpui a, Mizo \halaite hmakhua ti eng tura an pen chhuak chu lawmawm a tih thu a sawi a. Project Sentinel chuan mizo zirlai thluak \ha tak takte chu sang leh zualah a vawrh tur thu sawiin, zirlai ten tun a\anga kum hnih hnuah hlawhtlinna lian tham tak tak an neih nual tur thu a sawi.
Dr. Hari Babu Kambhapati chuan zirlai thluak \ha tak tak, chhungkaw sum dinhmun in a zir loh avanga an thlen tur thleng thei lo an awm \hin thu sawiin, Project Sentinel hnuaiah chuan zirlai chhawmdawl ngai te tan remchanna duhawm tak a inher chhuak dawn tih a sawi a. He thawhhona hi Mizoram tan zirna huanga Mellung pawimawh tak a nih thu a sawi bawk.
Project Sentinel – Centre of Educational Excellence, Skilling and Wellness hi Full-time residential program niin, he project hnuaiah hian hmeichhe naupang leh mipa naupang 30 thlan chhuahte chu thla 12 chhung atan Engineering leh Medical entrance exam hrang hrang bakah competitive entrance exam-ah allied stream te telin kaihhruaina uluk taka pek an ni dawn a. A tirah chuan zirlai, science stream hmanga class 12 clear tawh, JEE leh NEET atana inbuatsaih mekte chu ngaih pawimawh hmasak tur niin, hemi hnu hian naupang awm thei zat tihpun a nih dawn bakah stream dangte pawh hrut chhoh zel tura ruahman a ni.
Assam Rifles te chuan NIEDO leh Axis Bank te nena \angkawpin Assam Rifles Complex, Zokhawsangah thla 12 chhung hian competitive exam huangah inkaihhruaina, mithiam te ruaiin, uluk takin an kalpui dawn a ni.
He program hnuaiah hian zirlaite chu soft skills, personality development, critical life competencies, leadership capabilities, personal conditioning, wellness programs, vocational training leh a dangte zirtirna pek an nih bakah exam form fill up thlengin a pui dawn a. Zirlai te thlan dan turah hian NIEDO official-te chu Mizoram hmun hrang hrangah kal kualin sikul an tlawh chhuak vek dawn bawk a ni.