Zirlaite thiamthil haisakna leh tih phurna tur hmang

Zirlaite thiamthil haisakna
leh tih phurna tur hmang
ICFAI University Mizoram leh LESDE department chuan Nilaini khan “One-Day Skills Development Conclave” an buatsaih.
Thalaite thiamna tihhmasawn leh hna zawng tura an inbuatsaihna kawnga puitu tura buatsaih a ni a. Zirlai, zirtirtute leh hnathawh kawnga tawnhriat nei tha zawkte fuankhawmin, tunlai khawvel thang zelah thiamna tak phawk chhuak zirna (skill-based education) neih a pawimawh tawh tih sawi a ni.
IFCAI Mizoram vice chancellor Prof. (Dr.) Ginlianlal Buhril chuan zirlaite tan lehkhabu behchhan thiamna piahlamah, a tak rama hman theih thiamna neih a pawimawh tih a sawi a. Chancellor Prof. Y. R. Haragopal Reddy chu khualzahawm niin, Mizoram larsap Gen. Vijay Kumar Singh chuan keynote address a sawi thung.
Larsap chuan ram din khawchhuahna tura ‘skill development’ pawimawh zia a sawi a. Thalaite chu mahnia eizawnna bul (entrepreneurship) tan a, hna daltu ni loa hna siamtu ni zawk turin a fuih.
“Mizo Youths Reaching Out to Pan India: Entrepreneurship and Start-Up India” tih thupui sawiho a ni a. Mizorama ‘start-up ecosystem’ tha zawk din dan leh ram pum huapa hmalak dan tur sawi a ni. Tharthilthlenna kawnga mithiam leh tawnhriat nei tha zawkte thurawn ngaihthlak a ni bawk.
He conclave hi thiam hrang hrang thar chhuah dan tur leh hnathawh zui zel dan tur thlirhona a nih bakah hnam ziarang phochhuahna hmun a ni tel a; zirlaiten an hmalam hun an insahven zui theihna tura chona leh phurna thar petu tura buatsaih a ni.