Zirlaiteah Zo nun zemawi tuh tam dan tur sawikhawm

Zirlaiteah Zo nun zemawi
tuh tam dan tur sawikhawm
Mizo Zirlai Pawl leh zirtirtu pawl hrang hrangte chuan zirlaibu ah Zo nun zemawi lam inzirtirna tam zawk dah theih dan tur an sawikhawm.
MZP Gen. Hqrs. bultumin Nilaini khan zirtirtu pawl hrang hrangte nen inrawnkhawm a ni a. Mizo zirlaiten Mizo history, Mizo nunphung leh Zo nun zemawi zirlaibuah a tam zawk an zir theihna’n hma lak ho dan tur sawi ho a ni.
Sawiho hnu ah resolution an pass a. Nu leh pa leh aia upate chunga nun dan mawi lantir hi Mizote tih dan phung a ni a, a Pathian thu bawk a, tunlai khawvelah thangtharten kan chhawmnun zel theihna’n tan lak tlan nise, an ti.
Khawvel hnamtinten an hnam history leh nungphung an ngaipawimawhin an zahpui lo a. Hei hi khawvel hnam tinte tihdan phung a ni a. Mizote pawhin kan nunphung leh tih dan tha khawvel kan hriattir zel theihna’n zirlaite leh thalaiteah tan lak nise, an ti.
Technology hmasawnna social media hrang hrangin min nuai mek karah Zonun zemawi, aia upa zahna, tawngkam hawihhawmin hmun a chan zel theihna’n zirlaite leh thalaiteah tan lak ho nise, an ti a. Elementary atanga higher secondary syllabus hman mekah Mizo history, Mizo nunphung leh Zonun zemawi a tam zawka telh a nih theihna’n hma lak ho nise, an ti bawk.