ZMC-ah MUHCS hmangtu 7041
ZMC-ah MUHCS hmangtu 7041
Zoram Medical College & Hospital-ah Mizoram Universal Health Care Scheme hmangtu damlo admit 7041 an lut tawh.
ZMC&H chhinchhiah danin, Mizoram Universal Health Care Scheme (MUHCS) hman tan hun – kumin April 1 atanga October 20 thleng khan MUHCS-a inziaklut mi 7041-in he damdawi in hi an pan tawh a; he scheme hmangtu tuna enkawl mek 391 an awm. Hemi hun chhung vek hian sawrkar laipui scheme AB-PMJAY a inziaklut 4949 an lut bawk.
Hetihlai hian sawrkar pawhin MUHCS-a inziaklutte tan damdawi ina an inenkawlna senso tur a pechhuak mek zel a. Mizoram State Health Care Society atanga thudawn danin, kumin July atanga September inkar khan MUHCS zawmtu damdawi inten an hnena damlo an pek turin Finance department chuan cheng vaibelchhe 35 a pechhuak tawh a. Hei hi sawrkar damdawi in 77 leh MUHCS zawmtu private damdawi in 20 leh emergency-a non-empanelled hospital-a in admit mi 699 inenkawlna senso atan an pe a ni.