Manipur-a Zofate bawh ram huamchhung MLA-ten an state sawrkar laka inawpna (administration) hran an phutna chu People’s Conference party chuan an thlawp tih an puang.
PC hruaituten thuthar thehdarhtute an kawmnaah, historian-ten Chin- Lushai- Kuki an tih hi hnam khat leh unau, tuna Bangladesh, Burma leh India ram zau tak hi kan ram a ni a, Burma leh India-a lal ram ropui leh zau tak tak awm tawhte khan min awp ngai lo a; kan chhehvela hnamdang lal ram din ten min awp ngai hek lo, tiin an sawi.
British Colonial power-in tharuma a lak (annexed) hma khan tumahin heng Zofate luah ram hi min awp ngai loa, tharuma kan ram min hnehchhuh sak a, min thendarh sak kha PC party chuan a pawm thei lo, tiin, insuihkhawma rorelna pakhat hnuaia awm duh avangin Brig T Sailo hoin Zo Re-unification Organisation (ZORO) hial din a ni a. ZORO hmalakna hi an party chuan a thlawp reng a, a hlawhtlin hun nghakhlel takin an thlir tih an sawi bawk.
“Zofate insuihkhawm mai bakah kan ram leh chenna hmun khawilaiah pawh Zofaten hnamdang laka inawpna (administration) hran neih kan duhin, chutiang atana hmalakna chu kan thlawpin kan theih ang anga tanpui kan inhuam reng a. Tuna Manipur-a Zofate tana inawpna hranpa phutna pawh hi kan party chuan a tawp thlengin kan thlawp dawn a, hmun tina Zofate tanrual puiah ka sawm a ni,” PC president Vanlalruata chuan a ti.
Zofa MLA-ten administration hran an phutna PC-in a thlawp
Get real time updates directly on you device, subscribe now.
Prev Post