Zohnahthlakte chenna lei lakhawm

Zohnahthlakte chenna hmun hrang hrang atanga lei an lakkhawm chu Zoram Thar chuan Thenzawlah lung an phun hnan.
Zoram Thar Zofate Lairelna Inpui hruaitute chuan Thawhtanni khan Thenzawlah ‘Zofate Hnam Lungphun’ hun an hmang a. Zoram Thar zing ami Lalremthangi’n Zohnahthlakte chenna hmun – Bangladesh, Burma, Manipur, Tripura, Assam leh Mizoram lei a lakkhawmte hlanin, sawifiah a ni. Laltleipuiin Berampa ki vawi 12 a ham a, hnehna aurual hun hmangin, Rev Dr Zaichhawna Hlawndo chuan chawhpawlhin, Zofate hi thlahtu bul thuhmun vek kan nih angin, ram pakhatah rorelna pakhat hnuaiah kan awm tawh dawn tih a sawi a; chu’ng lei lakkhawm chu chawhpawlh a, tawngtainaa a hlan zawhah Zofate Hnam Peng lung 12 phunnaah a phum a ni.
Zoram Thar hian MLA inthlanpuia Lalpa chhiahhlawh bawm dawh (candidate) tur mi pahnih a puan belh a. Serlui bialah Vanlalnghaka (Presbyterian Kohhran) leh Aizawl North-III ah Vanlalvena (Mizoram Baptist Kohhran) te an ni.