ZORAM KHAWVAR HUN NGHÂKTUTE CHUAN KAN LO DAWNSAWN DÂN A DANG ZÀR ZÊL THIN

By F. Malsawma

-- Advertisement --

MANIPURA ZOFATE, INLUNGRUAL HLEITHEI LOTE INLUNGRUALNA TUR LEH ZOFATE INPUMKHATNA TUR ATÂN THIL DANGLAM TAK A THLENG LEH TA. KAN NGOs leh POL. PARTY-TEN KAN UNAUTE THLAVÂNG HAUH A HUN E.

1. Manipur State-a unaute hi anmahni pawh tangrual leh inpumkhat hleithei lovin an awm a. Tunah, thih ngama tan khawh ngai thil a lo thleng leh mêk a. Manipur-ah thil thleng mak tak tak, Zofate na taka nghawng nei a thleng ta fo mai. Mawi leh mawi lo pawh dâwn lo va, an thlavang hauh hi kan tih ngei ngei tur a ni e. Zofate, hnam hrang hrangte an inlungrual nân leh, mi rorêlna hnuaia kan him lohzia kan hriat chianna tur a ni ngei ang.
2. Tripura tlângmite an tangrual tharin, Independence/State/UT nawr an tumin, assimilation lakah a ram neitu thinte an harh chho mêk a. Kan Zofate chu Zofate insuihkhawm lehnaah an hmin sa thlap a. Tripura hun tawn zêl tur hi hriatthiam mai a har hle.
3. Myanmar lama kan unaute zingah, Sagaing Region leh (Tahan leh) a chheh vêl tih loh chu, Chin Hills ngei ngeiah pawh, Zofate insuihkhawmlehna thu hi, Zoram dep leh ramri bul hnai, mi changkâng deuh ho tih loh chuan an ngaihsak lo va, an hre lêm lo bawk a, an lunglên lo hlein, nu pakhat, Covid 19 lên laia thla tam tak han awm chuan a sawi a. Myanmar ram bâk lûngkham an nei lo hlein a sawi bawk. |henkhat Zoram tlawh tawhte chuan, MIN HMUSIT A, MIZORAMA AWM KA DUH LO, an ti fo mai bawkin a sawi. Hakka, Tiddim, Chin Hills area a mite, a tam ber chuan insuihkhawmlehna lam hi an vei chhe te lovin a sawi bawk. A theih turah an ring pha lo pawh a ni thei e. Tahan , Khampat vêl area amite erawh chuan an nghâkhlel hle niin hriat a ni. Heng unaute hi an harh theih nân an chungah thil mak leh râpthlâk tak tak a thleng ta fo mai a. Assam nena ramri thila kan buai lai khân Myanmar lam unau leh Manipur lam unaute chuan min ngaihsak hle a nih kha. Chutiang bawkin, thil eng eng emaw thleng thinin, inunauna kan lantir ta zauh zauh va. Hei hi CHUNGLAM REMRUAT a ni thei a ni. Kan harh a, hrui khat kan vawn hma chuan, eng eng emawin min tlâkbuak fo mai thei a ni. Cachar ram anga sawi thin chhûnga Zofate chu an harh sa tawha ngaih a ni.
4. Kan zavai hian, sakhuana, kan hnam nun khawih thil, inchîmralna emaw, thil hrang hrangin min nuai na chho zêl a nih pawhin, Aigupta rama Israel faten hun danglam an tawh dâwn pawh khân, an mangang a, Lalpa an au va, Mosia a lo piang ta kha a ni a. Khatih hun laia khawvêl lalram ropui ber Pharaoa hma chhawn kha chu tih na mai lo tak tur a ni. Pathian thil rêl dân chu a va mak êm! Chung lam kut chak tak a lo chet erawh chuan, hnehna chu Lalpa ta a ni ta a ni. (Exodus 6: 1-8 lo chhiar hrâm teh pls).

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More