Zorina leh Arini duet video ‘Thu chauh sawi la’

Zorina leh Arini duet video ‘Thu chauh sawi la’
Zorina leh Arini duet music video ‘Thu Chauh Sawi La’ tih chu vawiin hian Synod Moderator Rev. C. Chawng-hmingliana’n an chenna tualah Pathian hnen hlanna neiin, tlangzar a ni dawn ta a, zaninah Zonet Zawlbuk-ah tihchhuah a ni ang a, YouTube-ah pawh thlir theih turin an dah thuai ang.
Zorina leh Arini te hi Kristian |halai Pawl member tana talent show Praise On 2016 atanga hriathlawh an ni a, Praise On hnuah pawh hmun hrang hrangah zaiin, an inkawm chhunzawm a, 2016 Praise On star tho Cindy nen an pathumin ‘Nunna Thar’ music video te pawh an siam ho a, tun hi an duet video hmasa ber tur a ni a, Zorina leh Arini pawh an phur hle a ni.
He music video hi nikum September thlaa tihchhuah an tum tawh zawk ha a ni a, mahse, mimal programme neuh neuh avangin an tum angin an kalpui thei lo va, tunah an puitlin thei ta chu lawmawm an tih thu sawiin, a ngaithlatu te tan malsawmna ni ngei se tih chu an duh ber a nih thu an sawi bawk.
He hla hi AMC Ward III councillor C. Lalchhandami phuah niin, a hla phuah hmasak ber a ni a, COVID-19 hripuiin khawvel a tuam lai, September 2020-a a phuah tawh niin, Bible-a Thuthlung Thar, Mathaia 8:5-13 leh Luka 7:1-10 behchhana a phuah a ni a, a thluk hi Lalzemawia siam a ni ve thung.