ZPM leader hnenah zawt

Tunhnaia ZPM leader Lalduhoma’n Guwahati-ah BJP hotute a hmu ni awma sawi chu thudik a nih leh nih loh sawifiah turin an phut tih PC Thalai chuan an sawi.
PC Thalai hruaitute thutkhawmah an adviser VL Thazova chuan ZPM leader Pu Lalduhoma’n BJP financial support a beisei avanga Guwahati kal a nih leh nih loh sawifiah tura zawhna chu a rang thei ang bera chhanna pe turin Pu Lalduhoma a ngen tih a sawi.
ZPM leader hi Guwahati-a in check-up tura zan khat lek riaka, a tuka a lo let leh nghal nia sawi leh, hamthatna beiseiin BJP a rukin a lo zuk dawr, nia sawi chu khawnge dik zawk sawifiah tura phutin, “Telephone-a Pu Lalduhoma voice leak out awm tawh zawng zawng nen khan BJP thawhpuina hi a ruka kalpui a tum ta em ni, tih zawhna hi mipui hriatah thudik tak puang turin ka ngen a ni,” a ti.
Kristiante min nekral tum a, min suasam a, min thah chimih tum mekte mawngzawm pui chu ZPM leader hian a tum reng em tih a zawt ve nghal tih PC Thalai adviser hian a sawi bawk.