NDA meeting-a tel turin CM Zoramthanga phut

awiin – July 18-a Prime minister Narendra Modi-a’n National Democratic Alliance (NDA) meeting Delhi-a a kohah Mizoram chief minister Pu Zoramthanga chu tel ngei ngei turin an phut tih Congress Thalai chuan an sawi.
Congress Thalai Hqrs. thuchhuak chuan MNF party chu NDA meeting-ah hian tel tura a phut thu hi sawiin, ‘Manipur-a Zofaten harsatna an tawh lai leh awmze nei taka Kristiante biak in 250 chuang suasam a, halchhiat a nih tawh hnuah pawh BJP kaihhruai central-a NDA sawrkar atanga an thlavang hauhna engmah ala awm lo te hi MNF president Pu Zoramthanga hian na taka a dem kan phut,’ a ti.
NDA meeting chu Pu Zoramthanga’n Manipura Zofate leh Kristiante thlavang hauhna atan remchangah hmang ngei se tih chu an duhdan a ni tih Congress Thalai hian sawiin, Prime minister hnenah Manipura remna leh muanna a awm theihna’n a rang thei ang bera hma la tur leh huaisan taka nawr turin a phut bawk tih a sawi a ni.