ZPM sawrkar kan bei dawn lo – MBJP president

BJP chuan constructive opposition role an play dawn a, ZPM sawrkar pawh an bei dawn lo tih BJP Mizoram president Vanlalhmuaka chuan a sawi.
BJP Mizoram chuan kum 2024 atan Thawhtanni khan state party office an hawng a. Thu sawitu State president chuan Mizorama sawrkarna siam tura nasa taka an beihna chu tunah a takin la thleng rih lo mah se, Mizoramin kawng hrang hranga hma a sawn theihna atan theihtawp an chhuah zel dawn tih a sawi.
BJP Mizoram din chhan an chiang a, Mizoram leh Zohnahthlak tlang hrang hrang amite tana awm an nih avangin, Mizo mipui tana hna thawk tura ding an ni tih a sawi. “BJP hian constructive opposition role kan play tur a ni a, MNF party pawh vawiin thleng hian kan beihna kha a diklohna sawi thei kan awm loang. BJP chu Mizoram tana ding kan nih angin Mizoram thatna atana hna thawk tur kan ni a. ZPM sawrkar pawh BJP chuan kan bei dawn loa, Mizoram tana an hnathawhnaah constructive opposition role play-in hma kan la leh dawn a, chu chu sawrkarna chelh mek ZPM sawrkar hian an kalpui thiam chuan ram tan malsawmna an ni ngei dawn a ni,” a ti.