Congress te chuan May 28 khan Modi sorkar chu Agnipath scheme kalpuia ‘national security’ dinhmun derthawnga dahah puhin military recruitment programme chu INDIA bloc in thuneihna Centre-ah a chang a nih chuan nuaibo a ni ang an ti.
Congress te chuan Agnipath scheme chu ‘national security atana hlauhawm’ ti bawkin sipai lak dan tihniamin chu chu kum sawm chuang hnuah ram security khawih pawi thei a ni an ti bawk a.
“Agniveer scheme hmang hian Modi sorkar chuan India national security chu dinhmun derthawngah an dah a ni. Zawhna pathum kan nei, an phu ang tawk mipui tena an chhanletna chu inthlan thawh hnuhnung berah BJP te hnenah pek a ni ang” tiin Congress president Mallikarjun Kharge chuan a sawi a.
“Agnipath hian sipai kum khata 75,000 lak Thin chu 46,000 ah a tihniam tih hi a dik em? Defence Minister chuan Agniveer scheme chu ennawn lehin siamThat a ni ang tia sawi hi a dik em?” tiin zawhna a siam bawk a.
“Department of Military Affairs (DMA) leh Army te chu sipai lak thar tlem zelah hlauhthawnna an nei nasa an tih hi a dik em?” tiin Congress chief chuan zawhna a siam bawk a.
Kawng khatah kan ramri-ah Chinese infiltration hmachhawn mek niin kan ram an luah a, an pal lui a, sipai tam zawk mamawh zual zel a nih laiin kawng lehlamah Modi sorkar chuan Agnipath scheme hmangin Thalai ram hmangaihte nun chu a tihchhiatsak thung a ti bawk a.
“Congress te chuan Agniveer scheme hi kan nuaibo ang. Chutih hunah chauh chuan kan Thalai ram hmangaih te hian justice an hmu thei ang” tiin Kharge chuan a sawi bawk a. Kharge sawi hma hian Congress general secretary Jairam Ramesh chuan Agnipath chu ‘nationalsecurity atana hlauhawm’ a lo ti tawh bawk.
Tun hnaiah media report-ah Department of Military Affairs chuan Agniveer te aTangin feedback a dil mek tia sawi niin chuta Tang chuan engtiangin nge Tha zawka kalpui a nih theih nana siamThat tur an zir mek tih a ni a.
Ramesh chuan, “Indian Armed Forces te chuan Chinese aggression dan nan Eastern Ladakh-ah sipai Thahnem tak a dah reng a ngai a ni” a ti a. “Agnipath chuan kum khata sipai 75,000 lak Thin chu 46,000 ah a tihniam a, he thil pawi tak mai hi kum sawm hnuah a pawizia a lang Tan dawn a ni” a ti a. “Agniveer te chuan indona tuala chhuah an nih hmain thlaruk chauh training an la” tiin a sawi bawk.
“He policy hi Modi sorkarin ngaihtuahna nei miah lo leh midang te pawh rawn miah lo leh Army chief Tanglai mek pathum te pawh rawn hauh lova a kalpui a ni a. PM kalchhuak mai tur invaivungna hi he ram security ai pawha serh leh zah a ni” tiin Ramesh chuan a sawi bawk.
ThawhTanni khan Congress leader Rahul Gandhi pawhin Modi sorkar chu Agnipath scheme hmanga national security him lo leh Thalaite hmalam hun tichhiaah a puh bawk a. INDIA bloc in thuneihna an chan chuan an nuaibo tur thu a sawi bawk a. Agnipath scheme chu Thalai ram hmangaihtute hmuhsitna a ni a ti bawk.
Agnipath hmanga ram dinhmun tiderthawng ti
Get real time updates directly on you device, subscribe now.
Prev Post
Next Post