ZPM party-a hmeichhe lam, Zonu Hqrs. president C Sangzuali chu nihna dang pek niin, a hmunruak luah tur hian AMC corporator ni lai R Lalawmpuii ruat a ni.
President kalchhuak leh a thar tur hian Zirtawpni khan nihna an inhlan a, C Sangzuali chuan hotute duhsaknaa ZONU Hqrs hruaitua hun engemawchen a awm tawh thu sawiin, party pui lamah consultant-ah an hruaituten an dah ta tih a sawi.
President thar R. Lalawmpuii chuan a nihna chelh tharah an vaia inlungrual taka an thawh a beisei tih a sawi a. Hmeichhiaten ram siamtha turin mawhphurhna sang tak an nei ve nia a hriat thu sawiin, “Kan ramah sawrkar thar a pian a, rethei zawkten lei rem kan rah theihnan leh hlemhletna a bo theihna’n nuho hian mahni tapchhak zawla thu mai mai loin ke kan pen chhuak mek a ni,” a ti.
ZPM-in nasa taka beih leh chawhbuai a tawh mek chu mipuiin hrethiam se a duh tih Zonu president thar hian sawiin, “ZPM hi beidawng kalkhawm kan ni loa, beiseina thar neitu kalkhawm kan ni zawk,” a ti.
ZPM Zonu president inthlak
Get real time updates directly on you device, subscribe now.