Ram inrelbawlna tha zawk a thlen theihna atan district an siam belh tih chief minister Zoramthanga chuan a sawi.
Zirtawpni khan Hnahthialah executive engineer thuthmun tur PWD Division office chu chief minister hian a hawng a. District a lo phuisui zawk theihna tura hlawhtling taka hmalakna chu lawmawm a tih thu sawiin, mipui mamawhna leh mipui rawngbawl kawngah hmasawnna nasa zawk a thlen ngei a beisei tih a sawi. Ram inrelbawlna tha zawk a thlen theihna’n district siam belh a ni tih sawiin, a thuamthatna tura hma lak a ni tih a sawi.
“Mizoram hi hnamdang laka zahawma a awm theihna’n leh Mizo kan nihna zahpuiawm a nih lohna turin malsawmna haichhuah tur a awm tih hria in, ram hmangaihna nen hma lak ho puiah mipui leh thalaite ka sawm a ni,” a ti.
Bialtu MLA, minister Dr R Lalthangliana chuan district-ah hmasawnna hmuh belh zel a ni chu lawmawm a tih thu a sawi a. Kum 2019-a district puan belhte thuamthaa tiphuisui tura sawrkarin hma a lak zui dan a sawi a ni.
National Highway Division IV ni thin, chhimlama national highway hrang hrang enkawl hna thawk thin chu NHIDCL lo luh hnu ah hna chanpual thlak danglamin, Lunglei Road Division II ah leh a ni a, tunah Hnahthial Division a ni ta a. PWD IB thin chu EE office atan ruahman a ni.
Inrelbawlna tha zawk a thlen theihna’n district siam belh a ni – CM
Get real time updates directly on you device, subscribe now.
Prev Post