Zuk leh hmuam laka fihlim turin inzirtir tan

Zuk leh hmuam laka
fihlim turin inzirtir tan
12th Mizoram State Anti-Tobacco Day 2025 puala “Zuk leh hmuam tel lo nundan changkang” tih thupui hmanga buatsaih Tobacco-free Youth Campaign 3.0 chu Zirtawpni khan Health & Family Welfare minister Lalrinpuii’n a hawng.
Minister chuan TFYC tum ber chu Mizorama khua leh zirna in a tam thei ang ber vaihlo leh a kaihhnawih awm lohna hmuna siam tura hma lak a ni tih a sawi a. Department zirchian danin, ruihhlo ngawlvei tam ber hi zuk leh hmuam atanga bul tan an ni a; middle school naupang zingah zuk leh hmuam leh damdawi ti hial an awm tawh tih a sawi.
“Zuk leh hmuam tih hian rilru leh taksa hriselna a nghawng bakah kan chhehvel boruak leh mimal leh chhungkaw sum enkawl dan thlengin, nitin nun a nghawng a ni,” a ti.
Tobacco Free Youth Campaign 3.0 hawnnaah hian National Tobacco Control Programme state nodal officer Dr Zoramthangi’n kumin thupui a sawizau a. School Education director Angela Zothanpuii’n “zuk leh hmuam tel lo zirna in” tih thupui hmanga thu sawiin, Rural Development director K Lalrohlua’n “zuk leh hmuam tel lo khawtlang” tih thupui hmangin thu a sawi a ni.