Zuk leh hmuam avanga kan chunga natna thleng chu kan thihpui chiah lo a nih pawhin, zuk leh hmuam vanga natna kan tawrh te enkawl nana kan senral hi a tam tham a rinawm hle tih chief minister Lalduhoma chuan a sawi.
May 31 kha World No Tobacco Day a ni a. Aizawlah pawh Indian Society on Tobacco & Health (ISTH) Mizoram leh National Tobacco Control Programme NHM tangdun buatsaiha hman niin, chief minister leh Health minister Lalrinpuii ten an hmanpui.
Mizoten kan pi leh pute atangin zuk leh hmuam kan uar tawh a. Vawiin thlengin India ram state zinga puitling zuk leh hmuam ti tam ber kan la ni reng, tiin chief minister hian a sawi a. Cancer vei tamna ber state kan nih bakah zuk leh hmuam kaihhnawih natna dang pawh kan tawrh nasat a rinawm tih a sawi.
“Kan huan thlaite chu rah tha tak neihtir tumin tui leh leitha, damdawi kan pe thin. Kan taksa zawk erawh thil tha lo, a tichhe thei thil kan barh leh mawlh mawlh thin si. Sum leh paiah kan hausa ta chiah lo a nih pawhin, miin hriselna hlu tak a tak a neih chuan mi vannei, malsawmna dawng kan ti a. Miin khawvel a pumin nei se, a nun chan si se la, atan engmah a sawt lo tih pawh kan hria a ni,” a ti a. Heng laka fihlim tur hian sum leh pai senso engmah a ngai loa, a thlawna nghei hmak theih thil a ni tih a sawi a ni.
Kumin Vaihlo Do Ni thupui chu “Protecting children from Tobacco Industry Interference” tih a ni a. Hemi denchhen hian elementary zirlaite tan essay inziahsiak buatsaih niin, lawmman sem nghal a ni a. Pakhatna K. Lalthapuii, class 6, Zomuansanga Elementary School Mission Veng; pahnihna Lalruatdiki, class 7, Holy Missions School Bungkawn; pathumna Vanlalrinhlua, class 8, Govt. Bungkawn Vengthar M/S an ni.
Zuk leh hmuam vanga natna enkawlnan kan seng tam ang – Chief minister
Get real time updates directly on you device, subscribe now.
Next Post