HSLC 2024 result tihchhuah taka school 18-ah zirlai exam zawng zawng an fail chu an chhui zui nghal tih Mizo Students’ Union chuan sawiin, a chhan lian ber zingah zirtirtu indaih lohna a nih laiin school thenkhatah chuan zirtirtu inthlahdah vang a ni tih an sawi.
MSU Gen. Hqrs. thuchhuak chuan, Mizoram sawrkar chu zirtirtu indaih lohna avanga zirlai fail kan neihna school leh zirtirtu inthlahdahte pawh chhuichhuak a, dan anga hma la turin a phut tih a sawi.
HSLC 2024-ah Mizo zirlai 13 top 10-a an lang chu lawmawm a tih thu MSU hian a sawi a. Zirlai hlawhtlinna chang mi 13477-te chu Mizoram tana chhawr tlak leh Mizo hnam tana hman tlak thiamna zir chhuak ngei turin an kal zelna turah duhsakna a hlan a; hlawhtlinna chang zo ve ta lo zirlai fail 4632 leh absent 397-te pawh beidawng loa tan la thar sauh turin a chah tih a sawi bawk.
100% fail awmnate zirtirtu indaihloh leh inthlahdahna – MSU
Get real time updates directly on you device, subscribe now.
Prev Post
Next Post