2024 BMI Pop Awards-ah Taylor Swift-i’n Songwriter of the Year a dawng

Beverly Wilshire Hotel, Beverly Hills, California-a an 2024 BMI Pop Awards an sem takah Taylor Swift-i’n Songwriter of the Year a dawng a, Miley Cyrus hla hit ‘Flowers’ chuan Song of the Year a dawng bawk.
Swift hian BMI most-performed songs of 2023-ah hla 10 a nei a- “Anti-Hero,” “Bejeweled,” “Cruel Summer,” “Karma,” “Lavender Haze,” “Maroon,” “Midnight Rain,” “Snow on the Beach,” “Vigilante Shit” leh “You’re on Your Own, Kid” te a tel. Swift hian BMI Awards 65 a dawng tling tawh a, chung zingah chuan 2009-a BMI President’s Award pawh a tel.
Miley hla hit ‘Flowers’ avangin Miley Cyrus, Gregory ‘Aldae’ Hein leh Michael Pollack ten Song of the Year an dawng a, he hla hi Billboard Hot 100-ah kar riat a No.1 thei a, Grammy-ah pawh Record of the Year leh Best Pop Solo Performance a dawng tawh bawk.
Sony MUsic Publishing chuan Publiser of the Year an dawng a, e award hi a zawnin kum sarih an dawng tling ta. He company hian kum hmasa lama most performed songs-a hla 34 zet chu an publish a ni a, chung zinga chuan ‘Anti-Hero,’ ‘Barbie World,’ ‘Eyes Closed,’ ‘Flowers,’ ‘Trustfall’ leh ‘Unholy’ te pawh a tel.
Kumin hian BMI President’s Award chu Benny Blanco-a’n a dawng a, Blanco hian BMI Awards 55 a dawng tling ta a, songwriter of the year pawh tum li a lo dawng taw a, 2013 khan Maroon 5 ‘Moves Like Jagger,’ featuring Christina Aguilera avangin pop song of the year a dawng tawh bawk.