2024 People’s Choice Awards-ah Kylie Minogue leh Lainey Wilson perform dawn

Kylie Minogue leh Lainey Wilson te chu 2024 People’s Choice Awards-ah an perform dawn tih an puang ve leh ta a, he award hi February ni 18-ah an sem tawh dawn a ni.
Kylie leh Lainey te hian Grammy an sem takah khan award an dawng ve ve a, Kylie hian ‘Padam Padam’ hla avangin best pop dance recording a dawng a, tun kum 20 chhunga Grammy a dawn lehna hmasa ber niin, Wilson hian ‘Bell Bottom Country’ avangin best country album a dawng a, a Grammy dawn vawi khatna a ni.
Kumin People’s Choice Awards-ah hian Lenny Kravitz pawh a perform dawn tih an lo puang tawh a, ani hi Music Icon Award an hlan dawn a, Adam Sandler-a’n People’s Icon Award a dawng dawn bawk. Award semna show hi Simu Liu-a’n a host dawn a, Barker Hangar, Santa Monica, California-ah award hi an sem ang.
Lainey Wilson hi kumin People’s Choice Awards-ah hian female artist of the year leh female country artist of the year-ah nominate a ni bawk.