2025 Australian Open-a player-te hlawh tur
Pathianni atanga Melbourne Park-a khelh tan tur 2025 Australian Open-a player-te hlawh tur kan han chhawpchhuak leh a; tarlan tawh thin angin, Australian Open hi kum khat chhunga Grand Slam tournament hmasaber a ni.
January ni 12-26, 2025 chhunga khelh zawh tur kumin Australian Open-ah hian a pumpuia an sum semral tur belhkhawm (total prize money) chu Australian dollar maktaduai 96.5 zet niin, chu chu US dollar (USD) zawng chuan maktaduai 59.90 a ni a, nikum aia a punna parcent chu 11.56% lai a tling.
Australian Open hi mipa leh hmeichhe player-te hlawh inzatna a ni.
Nikum khan mipa singles champion Jannik Sinner leh hmeichhe singles champion Aryna Sabalenka-te’n prize money inzat Australian dollar 3,150,000 ve ve an humhaw a, kumin hian he category pahniha champion-te dawn tur chu Australian dollar 3,500,000-ah a kai chho ta a ni.
Nikum khan French Open singles champion pahnih Carlos Alcaraz leh Iga Swiatek-te’n euro maktaduai 2.4 (USD 2.5 million) ve ve an hui.
Kum 2024 Wimbledon singles champion pahnih Alcaraz leh Barbora Krejcikova kutah pound maktaduai 2.7 (USD 3.3 million) ve ve a lut.
Nikum US Open singles champion pahnih Sinner leh Sabalenka-te’n USD 3.6 million an dawng ve thung.
Men’s & women’s singles player-te hlawh tur
-- Advertisement --
First round : Australian dollar 132,000
Second round : Australian dollar 200,000
Third round : Australian dollar 290,000
Round of 16 : Australian dollar 420,000
Quarter-finals : Australian dollar 665,000
Semi-finals : Australian dollar 1,100,000
Runner-up : Australian dollar 1,900,000
Champion : Australian dollar 3,500,000 (USD 2.17 million)
Men’s & women’s doubles pair-te hlawh tur
First round : Australian dollar 40,000
Round of 32 : Australian dollar 58,000
Round of 16 : Australian dollar 82,000
Quarter-finals : Australian dollar 142,000
Semi-finals : Australian dollar 250,000
Runners-up : Australian dollar 440,000
Champion : Australian dollar 810,000
Mixed doubles pair-te hlawh tur
First round : Australian dollar 7,250
Round of 16 : Australian dollar 14,000
Quarter-finals : Australian dollar 27,750
Semi-finals : Australian dollar 52,500
Runners-up : Australian dollar 97,750
Champion : Australian dollar 175,000