2025 CMA International Awards winner- Morgan Wallen

2025 CMA International Awards winner- Morgan Wallen
Country Music Association (CMA) chuan 2025 CMA International Awards winner a puang ta a, he award hi khawvel huapa country music hmasawn nana thawk tha te hnena hlan thin niin, award hi November ni 19-a special reception, Nashville-a neihah an hlan ang.
Morgan Wallen chu International Artist Achievement Award dawng tura thlan a ni a, he award hi U.S. artist zinga US pawn lamah country music hmasawnna leh thehlar kawnga thawh hlawk te hnena hlan thin a ni. Morgan Wallen album palina ‘I’m the Problem’ chu ram hrang hrang pasarihah No.1-ah a debut thei a, khawvel ram hrang hrang sold-out stadium show a nei thei reng a, international fanbase thang duang tak a nei bawk a ni.
Canadian artist Cameron Whitcomb chu Jeff Walker Global Country Artist Award dawng tura thlan niin, Whitcomb hian tunhnai lawk khan CCMAs-ah fans’ choice award dawngin, Hundred Mile High Tour a neih pawh Canada, Audtralia leh Europe lamah a hlawhtling hle a ni.
2025 CMA International Awards-ah hian Lynette Garbonola chu Jo Walker Meador International Award dawng tura thlan niin, he award hi Europe, Australia leh Asia-a country music theh lar kawnga thawh hlawk te hnena hlan thin a ni.