Sharad Pawar insaseng

NCP leader Sharad Pawar chuan May 2 khan Nationalist Congress Party president aTanga a ban tur thu a autobiography lehhabu tlangzarhnaah a sawi.
“May 1, 1960 aTanga May 1, 2023 thlengin hun rei tak chhung public life ka neih hnuah inhnuhdawh a ngai ta a. President of the Nationalist Congress Party aTangin ka inhnukdawk a ni” tiin a sawi a. Chutihlaiin a party cadre te chuan inngaihtuah nawn leh turin an ngen thung.
“Education, agriculture, cooperation, sports leh culture lamah nasa zawka hmalak ni se ka duh a. Hei bakah hian Thalai, zirlai, hnathawk, dalits, tribals leh society a hnufum te harsatna ngaihven zawk ka duh a ni” tiin a sawi bawk.
Pawar thlaktu tur tu nge ni ang tih sawi lan a la ni lo va, Pawar chuan amah thaktu tur chu committee dina thlan a nih mai theih thu a sawi bawk a.
“NCP member commitee din ni se ka ti a, chung mi te chuan President post chelh tur chu ngaihtuah se. He committee hian president tur chu chhawp chhuak se la. Party organisation tiphuisui zel tur te, ideology leh thil tum te mipuite hnena thlena mipuite tana thawk thei tur ber nia an ngaih an thlang tur a ni” tiin a sawi bawk a.
Party chief thar thlang tur committee ah chuan senior member te Supriya Sule, Ajit Pawar, Jayant Patil, Chhagan Bhujbal, Praful Patel te pawh an tel ngei tur a ni a ti bawk a.
“President aTangin ka chawl dawn a ni mai a, mahse, public life aTangin ka chawl tawh dawn tihna a ni lo. ‘Zin reng’ te hi ka nuna bettel tlat a ni a. Public event hrang hrang leh meeting hrang hrangah ka la inlan reng ang a. Pune, Mumbai, Baramati, Delhi emaw India hmun hrang hrangah pawh awm mah ila, a ngai ang bawkin in tan ka awm reng a. In harsatna te sutkian a nih theih nan darkar tin hun ka nei zui reng ang” tiin Pawar chuan a sawi a.
“Mipui te min rinna leh hmangaihna hi ka tan boruak Tha a ni a. In tan ka awm a, ka thawk tawp thlengin intan ka awm reng ang a, inhmu zui reng ang chu” tiin NCP patriarch chuan a sawi bawk.
Pawar hi India ram politician sulhnu nei ngah ber palw niin tun hnaiah pawh awm ang lo taka ngaih lungrual taka Shiv Sena, Congress leh NCP te Thuikhawma Maharashtra a Vikas Aghadi sorkar din tirnaa sulsutu bera ngaih a ni.
Maharashtra chief minister Tum li lai a ni tawh bawk a. Pawar hi a nephew Ajit Pawar chuan a thlak dawn ni awma sawi a ni bawk.