2023 Kennedy Center Honorees-ah Dionne Warwick leh Queen Latifah an tel
June ni 22 khan 2023 Kennedy Center Honorees an puang a, comedian Billy Crystal, soprano Renee Fleming, singer-songwriter-producer Barry Gibb, rapper, singer leh actress Queen Latifah leh singer Dionne Warwick te an ni
Kumin hian show hi December ni 3-ah an record ang a, Kennedy Center Opera House stage, Washington, D.C. a neih tur niin, a hnuah CBS-ah an tichhuak leh dawn a ni a, hip-hop rimawi kum 50 tlin lawmna an titel dawn a, Queen Latifah induction a lo ni ve chiah bawk a, a inmil riau dawn a ni.
Fleming, Gibb, Queen Latifah leh Warwick te hian Grammy Awards pawh an lo dawng theuh tawh a, Gibb phei hi chuan Bee Gees angin 2015 khan Recording Academy atang hian lifetime achievement award a lo dawng tawh a, Warwick pawh hian hetiang chawimawina tho hi 2019 khan a dawng tawh bawk a ni. Gibb hi Bee Gees angin 1994 khan Songwriters Hall of Fame-ah lakluh niin, 1997 khan Rock and Roll Hall of Fame-ah lakluh a ni tawh bawk.
Bee Gees hian Billboard Hot 100-a No.1 kai thei hla pakua nei tawhin, Billboard 200-a No.1 kai thei album pahnih an nei tawh bawk a, Warwick pawh hian Hot 100-a No.1 kai thei hla pahnih nei tawh bawk a ni. Gibb hian 1982-a Warwick album Heartbreaker chu Anbhy Galuten leh Karl Richardson te nen an lo produce sak tawh bawk a ni.
Queen Latifah hi kuminah Oscar nominee a ni a, Chicago film avangin best supporting actress-ah nominate a ni. Crystal pawh hian Grammy la dawng lo mah se tum thum nominate a ni tawh a, Oscar vawi kua a host tawh bawk.
Chawimawi tur te hi Kennedy Center board of trustees-a executive committee ten an thlang thin a ni.
2023 Kennedy Center Honorees-ah Dionne Warwick leh Queen Latifah an tel
Get real time updates directly on you device, subscribe now.
Prev Post