Eslabon Armado leh Peso Pluma Billboard Global 200-ah an No.1

Eslabon Armado leh Peso Pluma te hla hit ‘Ella Baila Sola’ chu Billboard Global 200 chart-ah a No.1 leh ta a, a zawn ni kher lovin he chart-a kar ruk a No.1-na a ni ta.
Billboard Global 200 hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video services) leh download sales te chu tehna pawimawh a ni.
Eslabon Armado leh Peso Pluma ‘Ella Baila Sola’ hi regional Mexican genre atanga he chart-a No.1 kai thei hmasa ber niin, tun kar khat chhungin stream maktaduai 58.2 leh download sales 2,000 a la tling thei a, hei hi chart-ah a No.1 pui leh ta a ni.
Yng Lvcas leh Peso Pluma ‘La Bebe’ chu No.3 atangin No.2-ah a insawn a, chart No.1 hlui Miley Cyrus ‘Flowers’ chu No.4 atangin No.3 a kai thar leh a, Rema leh Selena Gomez ‘Calm Down’ chu No.9 atangin No.4-ah a invawrh thar leh a, Fifty Fifty ‘Cupid’ chu No.7 atangin No.5 a kai thar ve leh ta bawk.
Kar kalta a he chart-a No.1-a rawn debut BTS-in an kum 10 tlin champha puala an hla tihchhuah ‘Take Two’ chu No.1 atangin No.27-ah a tawlh ve thung.