Double Olympic medallist PV Sindhu chu New Delhi khawpuia India Open badminton tournament khelh tan takah Thawhlehni khan first round paltlang zo loin a tla a, 12-21, 20-22-a a ngam loh Thailand world No. 30 Supanida Katethong lakah khan he tournament khelh hnu-hnungber semi-final match pakhat zawkah a lo tlawm tawh bawk.
World No 7 Sindhu hian karhmasa mai pawh khan Malaysia Open Super 1000 lamah Spaniard Carolina Marin hneh loin first-round a paltlang zo lo tawh bawk.
-- Advertisement --
London bronze medallist Saina Nehwal erawh Thawhlehni hmeichhe singles first round inkhel dangah a chak a, India Open title la tawh hian 21-17, 12-21, 21-19-in World No 24 Mia Blichfeldt of Denmark a hnawtchhuak.
Saina hi tunah world number seven ni mekin, a champion tawhna Super 750 badminton tournament-ah hian rinkai a ni leh mek.
Mipa singles lama defending champion Lakshya Sen pawhin a bul\anna inkhelah Malaysia Open first round-a a ngam loh world number 9 HS Prannoy lakah phuba lain, Indira Gandhi Stadium chhunga KD Jadhav Indoor hall-ah 21-14, 21-15 hnehna a chang.
World No. 12 Sen hi New Delhi khaw tournament lian kal mekah hian seeded seventh ni chungin a inlan a, Indian star player dang lakah harsatna lian tawk loin first round a paltlang phawt.
Commonwealth Games champion Sen-a hian Thawhlehni inkhel hmasa lama 21-15, 21-11-a two-time world champion Kento Momota of Japan hnehtu Denmark star hraw Rasmus Gemke lakah fiahna tawrhhlelhawm zawk a hmachhawn zui leh ang.
Men’s doubles lama champion lai Satwiksairaj Rankireddy leh Chirag Shetty thawkdun pawhin Scotland pair Christopher Grimley leh Matthew Grimley tangdun lakah 21-13, 21-15 hnehna changin second round an lut ve bawk.
Indian doubles pair dang Krishna Prasad Garaga leh Vishnu Goud Panjala bakah Commonwealth Games bronze medallists Treesa Jolly leh Gayatri Gopichand inkawpte pawhin first-round hnehna an sualchhuak.
Krishna leh Vishnu inkawp hian Dutch pair Ruben Jille leh Ties Van Der Lecq lakah 21-11, 23-25, 21-19 hnehna changin, Treesa leh Gayatri \angdun hian 22-20, 17-21, 21-18-in France world No. 29 Margot Lambert leh Anne Tran inkawp hnehin an hna hmasaber an hlenchhuak ve bawk.
Indian dang Nelakurihi Sikki Reddy leh a women’s doubles partner Shruti Mishra erawh 17-21, 19-21-in Germany pair Linda Efler leh Isabel Lohau lakah an tlawm thung.