China-in Xi Jinping thuneihna pe sang

China chuan Xi Jinping thuneihna leh thiltihtheihna turu tak chu belhchhahsakin tihian dan thar hmangin khawvel huapa thutlukna siamna kawngah thuneihna zau zawk a neih belh dawn a ni.
Dan thar chuan engtiangin nge China interests ‘kalhtu’ emaw te lakah hmalakna kalpui a nih ang tih chiang taka tarlan a ni lo thung a.
Mithiamte chuan China diplomacy huangtau tak chu 1 July hian kalpui tan tur tiin an sawi a. China chuan Covid hnuah foreign investment lam uar a duh tia sawi erawh a ni.
Jacques deLisle, a law and political science professor, University of Pennsylvania chuan dan thar chu ‘hriat tlanglawnsa leh invaukhanna’ tiin a sawi a, mahse, a pawimawh ber lai chu US laka foreign policy khauh zawk kalpui tumna a ni tiin a sawi.
State media outlet The Global Times chuan dan thar chuan ‘Western hegemony laka inhumhimna leh hmalakna khauh zawk a siam ang’ tiin a sawi ve thung.
Dr Chong Ja-Ian, non-resident scholar, Carnegie China chuan Beijing-in innawrna leh tihluihna pawh nasa zawka hma a tumna tiin a sawi thung.
China leader te chuan economic development leh national security humhim chu ngaih pawimawh berah an nei tiin Manoj Kewalramani, China Studies programme enkawltu Indian think tank Takshashila Institution a mi chuan a sawi a. “Nasa zawkin an nawr lui zel ang,” tiin a sawi bawk.
Beijing leh Washington te inkar chu tun hnaiah a chhe chho mek zel a, superpower ram pahnih te hian sumdawnna lamah inhrekna an kalpui chamchi bawk.
Chinese thuneitute chuan Western firm te chu dap thut thutin emaw an local office te kharsakin kuminah ringawt pawh US firm te chu an nek chep hle tawh a. Hengte hi US-in sumdawnna leh technology lama Beijing a hrekna chhanletna anga ngaih a ni.
Thla kalta pawh khan China chuan US memory chip giant Micron te chu an rama an sumdawn a khap zui bawk a.
Dr Chong chuan tuna Beijing in dan thar a siam hmangin khawvel ramte chuan loh theih lohin China duh dan an zawm a ngi dawn a ti a, chu tak chu khawvel ram dang te pawhin sawisel an neihna chiah tur a ni a ti bawk a.
“Foreign business ten loh theih lohin Chinese market a inrawlhna an neih theih nan chuan politics thil tak pawha a hmaa tan lam nei lo pawh ni se an awm lam an tihchian a ngai ang. Tuna dan dan thar siam hmang hian foreign firms te chu awlsam zawka enthlak leh dap thut theih rengin siamin an awm dawn a ni,” tiin a sawi bawk.
Tun hnaiah US atanga business executives lawk tak tak Elon Musk, leh JPMorgan hotu Jamie Dimon te chuan China an tlawh a. Mithiamte chuan tuna dan tharin China foreign relations a ngaihdan chu danglam an tih thu an sawi a.
“People’s Republic of China chuan Chinese characteristics mil socialism chawinun a nih zel theih nan ram dang nena inlaichinna, a sovereignty humhim, unification leh territorial integrity humhim leh economic leh social development tihchangtlun a kalpui,” tiin dan thar chuan a tarlang.
Tun hi ziaka state ni lo ruling Communist Party chu foreign policy kalpuitu ber tia tarlan tumkhatna a ni a, chumai bakah Xi an thuneihna a sawhnghehzia pholanna a ni bawk.
China top diplomat Wang Yi chuan dan thar siam chu ‘Communist Party Central Committee tihchakna leh foreign affais lama a thuneihna sawhngehna a ni’ tiin state-run newspaper People’s Daily a editorial ah tarlan a ni.
Xi Jinping hian thuneihna a chan hnuah a dinhmun a sawhnghet zel a. A hma pawhin a political ideology chu national curriculum ah telhin a awm tawh a. “Xi Jinping thought” tiin China tleirawl tena Marxist rinna ngelnghet an neih theih ann tiin Ministry of Education (MOE) te chuan zirlaibua an telh chhan an lo sawi tawh a ni.
Xi Jinping thought hi primary school atangin university thlengin zirlaiah telh niin zir mek a ni bawk a. Socialism chu all-round moral, intellectual, physcial leh aesthetic ground thlenga tuh tumna tiin an sawi bawk.
Kum 2018 khan “Xi Jinping thought” hi chu China constitution ah telh a ni tawh bawk a, Xi Jinping thought hian principle 14 lai neiin Communist ideals te zau zawka sawina a ni.