Manager tawnhriat ngah Roy Hodgson chuan Crystal Palace a chhuah san dawn lova, Eagles hi EPL-ah 10-na tal nihpui a tum dawn.
Kum 75 mi Hodgson hian March 2022 khan Patrick Vieira thlakin Crytal Palace a enkawl tan a, a enkawl tirh hian tlakhniam hlauhawmah an awm mek. Palace a enkawl hnuin kawng dik a zawhpui a, 11-na a nihpui ta hial. A chhan-him hnuin a chhuak zui mai tura ngaihna lian tak a awm hman a. Chhuak mai lovin kum 2023-24 season chhung enkawl turin thutlukna a siam a. Palace hi a chhe berah 10-na tal nihpui a tum thu a sawi.
Roy Hodgson hian kum 45 chuang zet manager niin team an lo enkawl tawh a. Crystal Palace bakah hian club a enkawl tawh zingah Inter Milan, Blackburn Rovers, Fulham, Liver-pool leh West Brom te a langsar zual an ni a. Switzerland, United Arab Emirates leh Finland national team a lo enkawl tawh bawk.
Hodgson a chhuak dawn lo
Get real time updates directly on you device, subscribe now.
Prev Post
Next Post