c RB Leipzig leh Croatia defender Josko Gvardiol chuan Manchester City a zawm fel thei tep tawh a. City in kum 21 Gvardiol hi £86m senga an la lut a nih chuan RB Leipzig player hralh to ber a ni ang. (Telegraph – subscription required)
-- Advertisement --
c Fulham manager Marco Silva chuan Saudi Pro League club in £17m zet hlawh tura an sawmna a hnar. (iNews – subscription required)
c Paris St-Germain leh France forward Kylian Mbappe chuan nipui bazar laiin eng club pawh zawm se a contract hlut zawng hi a tlem berah pawh £206m ni ngei turin a duh. (Mail)
c Newcastle United chuan England midfielder pahnih; Manchester City midfielder Kalvin Phillips leh Chelsea midfielder Conor Gallagher te lak an duh. Hetihlai hian Southampton defender Tino Livramento lak an tum chu man leh mualah inremna an neih theih loh vangin a tlawh thung. (Telegraph – subscription required)
c Manchester City-a hma lam hun chiang lo thar Aymeric Laporte chu Arsenal leh Juventus ten an ngaihven. (Mundo Deportivo – in Spanish)
c Bayern Munich in ngaihven bawk mah se Manchester City chuan England right-back Kyle Walker chu kawl chhunzawm a, contract thar ziahpui an duh. (Fabrizio Romano)
c Lyon chuan AC Milan in 14m euro (£12m) senga lak an tum Chelsea leh USA winger Christian Pulisic chu 25m euros (£21.5m) sengin lak an tum. (Athletic – subscription required)
c Chelsea defender Cesar Azpilicueta chuan tunkar chhung hian Atletico Madrid chu kum hnih daih contract ziakin a zawm dawn. Blues chuan Azpilicueta hi free transfer in an chhuahtir dawn. (Fabrizio Romano)
c Brentford chuan an club chanchina an player manti ber ni turin Republic of Ireland centre-back Nathan Collins chu Wolves atangin £23m sengin an la lut dawn. (Sky Sports)
c Serie A champion Napoli in 35m euros senga English centre-back Max Kilman lei an dilna Wolves in an hnar. (Athletic – subscription required)
c Fulham-ah loan a lo khel tawh Manor Solomon chuan kum nga cham turin Tottenham a zawm dawn. (Athletic – subscription required)
c West Ham chuan mumal takin Leeds United midfielder Tyler Adams lak tumin an dawr tan ta. (Yorkshire Evening Post)
c Luton Town chuan championship club Birmingham City atangin Dutch winger Tahith Chong lak an tum. (Mail)
c Manchester United leh Nottingham Forest midfielder Jesse Lingard chu DC United in an hnar hnuin Lionel Messi-a club thar Inter Miami-ah training a nei. (Mirror)
c Juventus, Paris St-Germain leh Italy goalkeeper hlui Gianluigi Buffon chu Saudi Pro League club in kum khatah £25m hlawh turin an sawm. (Mail)
c Sergio Ramos chuan hun a hman lehna tur atan Inter Miami pan a tum tih a tichiang ta. Real Madrid leh Paris St-Germain centre-back hlui hi free transfer a nih rualin MLS club hian an ngaihven nghal. (Mirror)
c Chelsea winger Christian Pulisic chuan AC Milan zawm turin a thuphungin inremna an nei thei ta a. Club pahnihte hian USA winger man leh mualah inremna an la nei thei rih lo thung. (ESPN)
c Hakim Ziyech-a’n Chelsea atanga Al Nassr pan a tumna chu medical test paltlang zawh loh vangin a tlawh chiang ta. (Mail)
c Chelsea chuan Ecuador midfielder Moises Caicedo la thei turin insiamrem an tum a, kum 21 mi manah hian £80m in Brighton nen an inrem theih an beisei. (Standard)
c Manchester United chuan Inter Milan leh Cameroon goalkeeper Andre Onana an lak luh hmain an player neihsa hralh thawl hmasak zet an tum. (Talksport)
c Manchester United chuan an hnena contract hmang zo ta Spanish goalkeeper David de Gea chu si nghak thar an neih fel hma chu club dang lo zawm rih lo turin an ngen. (Sun)
c United hian si nghak thar la lut lo a nih chuan De Gea hi contract thar ziahpui leh an duh a. De Gea hi contract thar an ziahpui lo a nih pawhin Dean Henderson chu season thara an si nghak duh thlan a ni ang. (inews)
c Fulham chuan Portugal midfielder Joao Palhinha chu West Ham hnenah an hralh a nih pawhin an club player hralh to ber ni turin £60m in hralh an duh. (Football Insider)
c West Ham leh Leicester City te chu English winger Harvey Barnes chungchangah an indawr. (90min)