MNF chu thalaite ta leh thalaite din a nih avangin kumin MLA inthlanah pawh thalaite vangin hnehna an chang dawn tih MNF vice president Vanlalzawma chuan a sawi.
Ningania MNF Thalai Hqrs. in political training a buatsaih a hmanpuinaah Vanlalzawma chuan, Mizoram politics virvel thlirin MNF-in sawrkarna a chang leh ngei dawn tih a chiang chho zel tih a sawi a. “MNF hi Mizo thalaite ta leh thalaite din a ni a, Mizoramin inthlanpui kan hmachhawn turah pawh thalaite vangin hnehna chan ngei kan inbeisei a ni,” a ti.
MNF treasurer K Vanlalauva leh MNF adviser Lalchhandama Ralte te pawhin thu an sawi a. Inkhawm kaihruaitu MNF Thalai vice president Zodinpuia chuan, Assembly Secretariat-a hnalak chungchangah ZPM-in thu awmzia hre lo leh rem leh rem lo in MNF leh Mizoram sawrkar an rawn kawk nghal ngawt chu sawrkar kalphung an hriat loh zia an inpuanna a ni, tiin, Assembly Secretariat-a hnalak dan hi India danpui Article 187-in a sawi angin, Assembly Secretariat-in a hnuaia thawktu lak leh service chungchangah thuneihna tawp a nei a, Mizoram Assembly Secretariat hnuaia thawktu lak danah MNF sawrkarin inrawlhna leh mawhphurhna a nei lo tih a sawi a ni.
Thalaite vangin MLA inthlanah hnenhna kan chang ang – Vanlalzawma
Get real time updates directly on you device, subscribe now.
Prev Post