Raltlan naupangte dinhmun en

Raltlan naupangte dinhmun en
Mizoram State Commission for Protection of Child Rights (MSCPCR) member Dr Julie Remsangpuii Fambawl leh officer-te chuan sawrkarin hmun hrang hranga a siam, Manipur atanga Zohnahthlak raltlante awmna relief camp – BSUP Edenthar, Art & Culture Convention Centre leh Tourism Convention Centre Berawtlanga naupangte dinhmun hrechiang turin a hmunah an tlawh.
Tunah BSUP Edentharah hian naupang 40 awmin, Art&Culture Centre-ah naupang 10, Tourism Convention Centre-ah 27 an awm a ni.
Sawrkar, mimal leh pawl hrang hrangte atangin raltlante hian ei leh in tur leh mamawh chi hrang hrang an dawn thin thu an lo sawi a. Naupangte hian zirlai an bahlah lohna turin zirlaibu an mamawh a, an hriselna lam pawh hei aia uluk zawka viltu an mamawh bakah mithiam bikte hnen atangin psychological counselling an mamawh hle bawk a ni tih a hmuna tlawhtu MSCPCR hotute hian an hmu a ni.