Football titi
c England striker Harry Kane chuan Tottenham-an contract thar ziah a tum tawh lova, German champion Bayern Munich zawm turin a inkau. (Times – subscription required)
c Club dang nen man leh mualah inremna an nei thei a nih chuan Kane hian Tottenham chhuahsan a tum ngei a. Man leh mualah an inrem thei lo anih erawh chuan nipui bazar inhawn mekah chhuah luih talh erawh a tum bik lo thung. (ESPN)
c Aston Villa leh Bayer Leverkusen te chu France winger Moussa Diaby chungchangah an inrem thei ta. (Birmingham Live)
c Tottenham chuan Atletico Madrid zawm tura ngaih Denmark midfielder Pierre-Emile Hojbjerg hmunruak luahtu atan Aston Villa leh Brazil midfielder Douglas Luiz leh Chelsea midfielder Conor Gallagher te chu an mi duh an ni tih an tichiang. (Mail)
c West Ham chuan Manchester City winger Carlos Borgesare lak tuma intlansiaknaah Borussia Dortmund leh Eintracht Frankfurt hma khalhin hnehna an chang tep tawh a. Kum 19 mi manah hian £14m an tawktarh. (Guardian)
c Manchester City chuan Algeria international Riyad Mahrez hmunruak luahtu atan Lyon forward Bradley Barcola lak an rilruk. (90min)
c Paris St-Germain pawhin Barcola hi an thlithlai chhunzawm ve zel bawk. (Le Parisien – in French)
c Manchester United chuan Atalanta hnenah Denmark forward Rasmus Hojlund lei dilna thehluh thuai an tum. Hojlund hi PSG pawhin lak an duh ve bawk. (Fabrizio Romano)
c David de Gea chuan Inter Milan in kum khatah 5m euros (£4.3m) hlawh tura an sawmna a hnar. De Gea hian United tan a khelh lai khan tax cut vek hnuah kum khatah 10m euros (£8.7m) lai a hlawh thin a. Inter Milan sawmna hi atan a te mah mah. (Daily Record)
c Bayern Munich leh Senegal forward Sadio Mane chuan a thu phungin Saudi Pro League side Al-Nassr zawm a remti. (90min)
c Saudi Arabian club Al-Ahli chuan Fulham boss Marco Silva chu kum hnihah £40m zet hlawh turin an sawm. (Sky Sports)
c Al-Ahli hian Arsenal leh Ghana midfielder Thomas Partey lak an tum bawk. (Mail)
c Brighton chuan £15m in Fiorentina defender Igor Julio an la thei dawn hnai tawh. (Telegraph – subscription required)
c West Ham chu Southampton leh England midfielder James Ward-Prowse ngaihven turin an insingsa a, Kum 24 mi English midfielder Flynn Downes chu Southampton lamah hian chhuahtir an tum bawk. (Guardian)
c Paris St-Germain leh Italy midfielder Marco Verratti chu Liverpool in lak an tum zingah a tel. (Guardian)
c Nipui bazar inhawng mekah France forward Kylian Mbappe an hralh a nih chuan Manchester City leh Portugal winger Bernardo Silva chu rang takin lak an tum zui nghal dawn. (Mundo Deportivo – in Spanish)
c Silva-a’n PSG zawm a thlang a nih chuan Manchester City chuan 120m euro (£103m) vel bawrin Inter Milan leh Italy midfielder Nicolo Barella lak an tum ve nghal dawn. (TuttoMercato – in Italian)
c Manchester United chuan Jonny Evans chu a ngheta lak luh zui a duh. Northern Ireland defender Evans hian Leicester City a chhuahsan hnuin United hi hun reilote atan a zawm a, hun rei zawk zawm thei dinhmunah a ding mek. (ESPN)
c Manager Erik ten Hag chuan England defender Harry Maguire chu captain a nihna hlihsak bawk mah se United chhuahsan turin a duh tihna a ni kher lo tih a hrilh. (Talksport)
c Crystal Palace, West Ham leh Leeds te chu AC Milan atanga Divock Origi lak tum zingah an tel. Steven Gerrard-a club thar Al-Ettifaq pawhin Origi hi hlawh sang tak hlawh turin an sawm ve bawk. (Football Insider)
c West Ham in ngaihven bawk mah se Albania striker Armando Broja chuan hmun chan tuma bei turin Chelsea-ah cham chhunzawm a thlang. (Express)
c Burnley chuan Espanyol winger Luca Koleosho an dawr fel thei tep tawh. (Athletic – subscription required)
c West Ham United nena sawi zawm lo hlawh tawh Morocco forward Youssef En-Nesyri chu Sevilla in hralh an tum. (Express)
c Reading leh Manchester United te chu Wales Under-21 midfielder Charlie Savage chungchangah an inrem a, Reading hian a nghetin kum 20 mi hi an la thei dawn. (Football Insider)
Arsenal in chhuahtir an tum Nicolas Pepe chu Saudi Arabia club nen an in dawrna a tawlh a, hma lam hun chiang lo takin a awm mek (Dailymail)