Grand Slam tourna-ment-a Indian player kan hmuh thin tlemte zinga pakhat Sania Mirza leh hmeichhe doubles lama a kawppui Anna Danillina tangdun chuan Ningani khan Australian Open-ah bul tanin, Hungary mi Dalma Galfi leh Ameri-can Bernarda Pera inkawp lakah darkar khat leh miute 15 chhungin 6-2, 7-5 hnehna an chang a, women’s doubles se-cond round an lut.
-- Advertisement --
India tennis star Sania leh a Kazakh partner Anna hian 2d round-ah Alison Van Uytvanck leh Anhelina Kalinina tang-dun an tum leh ang.
Sania Mirza hian grand slam title paruk hawn tawhin, chu’ng zinga pathum chu hmei-chhe doubles title niin, pathum dang chu mixed doubles atanga a sual-chhuah a ni.
Kum 36 mi Sania hian Australian Open a khelh zawh ruala grand slam tournament a mangtha hlen ve tawh tur thu puang lawk tawhin, thlathar, February ni 19 atanga khelh tan tur WTA 1000 Dubai Tennis Championships zawha tennis inelna a bansan tawh tur thu a tichiang tawh bawk.
Men’s doubles lama Indian player inlan Ramkumar Ramanathan bakah Yuki Bhambri leh Saketh Myneni inkawp chuan first round an paltlang zo lo thung.
Ramkumar leh a Mexican partner Miguel Angel Reyes-Varela thawkdun chu 6-3, 5-7, 3-6-in Tsitsipas unau – Stefanos leh Petros lakah an tlawm fel.
Wildcard hmanga intatlut Bhambri leh Myneni hi inkawp chunga Grand Slam an hma-chhawn vawikhatnaah 6-7, 7-6, 6-3-in Australian-German pair Andreas Mies leh John Peers chuan darkar hnih leh minute 45 chhungin an hnawtchhuak.