BTS ‘V’ album thar tur ‘Layover’ A music video thar ‘Love Me Again’

BTS member ‘V’ chuan a solo album hmasa ber chu September ni 8-ah a tlangzarh dawn tih an puang a, a album hming tur hi ‘Layover’ tih a nih thu BIGHIT Music chuan an puang. He album hi hla paruk awmna tur niin, a track list pawh an puang tawh a ‘Rainy Days,’ ‘Blue,’ ‘Love Me Again,’ ‘Slow Dancing,’ ‘For Us’ leh bonus track ‘Slow Dancing’ piano version a awm dawn a ni. V hian he album-a a hla ‘Love Me Again’ chu a music video pawh a tichhuak ta a, he music video-ah hian V hmel a lang chiang thei khawp mai- “I think about you all the time/ Where you are, who you’re with/ Lost without you, baby/ I wish you would love me again/ No, I don’t want nobody else,” a ti hlerh hlerh mai a ni.
BIGHIT Music chuan ARMY-te chu album-a hla te hi 1-5 a ngaithla turin an rawn a, ‘Slow Dancing’ chu an hla chuam tur ni a puangin, “1970s romantic soul style a ni, hla zangkhai leh engthawl a ni,” an ti bawk.
‘Love Me Again’ hi R&B niin, V aw hniam lam pholanna tur a ni a, ‘For Us’ pawh hi pop R&B niin, a hnu kharna ang deuh niin, V vocals leh a lyrics dangdai tak a ni ang. He album-a hla panga te hian official video an nei vek dawn bawk a ni.
He album atan hian V hian K-Pop girl group NewJeans creative director/ ADOR president Hee Hin Min a thawhpui a, Min hian production engkim buaipuiin, music, choreography, design leh promotion thlengin a enpui dawn a ni.
V hian solo project ‘Stigma,’ ‘Singularity,’ ‘Winter Bear,’ leh ‘Inner Child’ te pawh a lo nei tawh a, a original solo hla hnuhnung ber chu ‘Christmas Tree’ tih hla 2021-a a tlangzarh kha niin, he hla hi Netflix K-drama ‘Our Beloved Summer’-tihah soundtrack atan an hmang a, nikum khan ‘It’s Begining to Look a Lot Like Christmas’ a tichhuak leh bawk.