Jung Kook & Jack Harlow ‘3D’ a lar ber
Jung Kook & Jack Harlow ‘3D’ a lar ber
Jung Kook leh Jack Harlow te hla hit ‘3D’ chu kar khat chhunga khawvela hla lar ber niin, Billboard Global 200 chart-ah a No.1 a, Jung Kook hian he chart-a solo artist anga No.1 kai thei hla pahnih a neihna niin, BTS member zingah Billboard Global 200 chart-ah solo artist anga No.1 kai thei hla pakhat aia tam nei hmasa ber a ni a, a hla dang ‘Seven’ featuring Latto chu a lo No.1 tawh bawk a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Jung Kook leh Jack Harlow ‘3D’ hi kar khat chhungin stream maktaduai 104.3 leh download sales 1,19,000 a tling thei a, hei hi chart-ah a No.1 pui ta a ni. Jung Kook hi BTS member zingah an group ang ni lo va he chart-a No.1 kai thei hla nei hmasa ber a nih bakah chart-a No.1 kai thei hla pakhat aia tam nei thei hmasa ber a ni bawk.
BTS member zingah he chart-ah hian solo artist anga No.1 kai thei midang an la awm lo va, chart top 10-ah chuan Jimin, V, SUGA leh Jin te an lang tawh a, Jung Kook hian Charlie Puth a feature-na ‘Left and Right’ chu No.5 kai puiin, ‘Dreamers (Music From the FIFA World Cup Qatar 2022)’ chu No.9 a lo kaipui tawh bawk a, BTS member zingah solo artist anga he chart-a top 10 kai thei hla ngah ber a ni bawk. BTS member dang Jimin chuan chart top 10 kai thei hla hnih nei tawhin, midang hi chuan pakhat theuh chauh an la nei a, No.1 kai thei an la awm lo bawk.
Doja Cat ‘Paint the Town Red’ chu No.1 atangin No.2-ah a tawlh a, Jung Kook ‘Seven’ featuring Latto chu No.2 atangin No.3-ah a tawlh a, Tate McRae ‘Greedy’ chu stream maktaduai 51.9 leh download sales 4,000 tlingin No.4-ah bawk a la awm a, Taylor Swift ‘Cruel Summer’ chu No.3 atangin No.5-ah a tawlh ve ta bawk.
Billboard Global 200 Top 10:
1 3D – Jung Kook & Jack Harlow
2 Paint The Town Red – Doja Cat
3 Seven – Jung Kook Featuring Latto
4 Greedy – Tate McRae
5 Cruel Summer – Taylor Swift
6 Strangers – Kenya Grace
7 Qlona – Karol G & Peso Pluma
8 Vampire – Olivia Rodrigo
9 LaLa – Myke Towers
10 I Remember Everything – Zach Bryan Featuring Kacey Musgraves