Nitish Kumar chuan BJP te nena thawh dun leh ai chuan ‘thih a thlang zawk’ ti hiala sawiin a deputy Tejashwi Yadav case siamsak chu ‘behchhan awm lova hlin luih tumna’ tiin a sawi bawk.
Bihar Chief Minister hian BJP leader-in ‘Prime Minister Narendra Modi rinna tithlawn’ tia a puhna a chhan letna niin, “Sawi tur a awm lo. Nani nena inzawm leh ai chuan thih ka thlang ang” tiin a sawi a. A sawi lai hian a bulah Tejashwi Yadav pawh a ding ve reng bawk.
-- Advertisement --
Chief Minister leh Janata Dal United leader chuan eiruk thubuai Tejashwi Yadav leh a pa Lalu Yadav tena an neih hnua BJP te nena thawhhona an kalpui leh kha ‘tihsual a ni’ tiin a sawi bawk a.
“Ngun takin ngaithla u la. BJP te hian theih tawpin an bei a. Min thawhpui tumin Tejashwi leh a pa lakah case an siam a. Tunah pawh thiamloh chantir tumin an beisei zui zel a, heng mite hi chu hetiang hian an che zui zel,” tiin Nitish Kumar chuan a sawi bawk.
BJP tena nakuma Lok Sabha inthlanah Bihar-a seat 40 awmah 36 an lak tur thu an sawi chu nuihsawhin BJP te chu an thawhho avang hrim hrima vote hmu tam an nih thu sawiin an thawhhona avangin Muslim te BJP Hindutva ideology duh lo te vote pawh an hmuh phah zawk tih hre nawn se a ti bawk.