The Beatles-in Hot 100 chart record siam

The Beatles hla thar Now and Then’ chu Billboard Hot 100 (singles) chart No.7-ah a debut a, he chart top 10-a 1996 hnua an lan lehna hmasa ber niin, he chart-a an hla top 10 kai thei 35-na a ni a, he chart-a top 10 kai thei hla ngah lamah palina a ni a, Drake (76), Taylor Swift (49) leh Madonna (38) te chiah an pha lo.
He hla hi Beatles hla hnuhnung ber ni tawh turin an sawi a, 1977-ah a demo John Lenon-a’n a record a record, mahse, tlangzarh lohin an thul khung ta a ni. He hla hi Beatles member zinga la dam pahnih Paul McCartney leh Ringo Starr ten rawn tuai hnum lehin, tunlai thiamna hmangin a original demo-a Lennon-a aw an la chhuak a, George Harrison-a guitar part pawh tunlai thiamna hmang bawkin an telh leh thei a ni.
Beatles hian chart record an siam nual a, Krismas lam hawi hla tih lohah chuan chart top 10-a lan kar inhlat ber an la ni. An hla he chart top 10-a lang thei hmasa ber chu ‘I Want to Hold Your Hand’ tih hla niin, 1964 January thla khan chart-ah No.1 a kai a, he chart-a an hla No.1 kai thei 20 zinga a hmasa ber a ni bawk. Tichuan, tuna Hot 100 chgart top 10-a an lan leh hi an lan hmasak ber atanga chhiarin kum 59 leh thla kua leh kar thum a tling a, chart top 10-a lanna hmasa ber leh hnuhnung ber kar inhlat ber an la ni.
Hei bakah hian chart top 10-a an lan hnuhnun ber chu January 1996-a an hla ‘Free as a Bird’ kha niin, kum 27 leh thla 10 leh kar hnih hnuah top 10-a an lang leh chiah a, Krismas hla tih lohah chuan chart top 10-a lan hnuhnun ber leh an len lehna hmasa ber kar inhlar ber an ni bawk.
‘Now and Then’ hi Beatles hla Hot 100 chart hrim hrim a lang thei 72-na niin, band, mahni intrument intum vek zingah chuan he chart-a lang thei hla ngah ber an la ni a, anmahni dawttu chu The Rolling Stones (57), The Beach Boys (55) leh The Temptations (53) te an ni.