MFA-in sports minister lawmpui

MFA-in sports minister lawmpui
Mizoram Football Association (MFA) chuan Mizoram Legislative Assembly election-a MFA honorary secretary hna chelh lai Lalnghinglova Hmar thlan tlin nih piahlama minister of state-a ruat a ni leh Sports & Youth Services Depart-ment chang tura mawh-phurhna pek a ni chu lawmawm an tih thu thuchhuah siamin an tarlang a, lawmpuina an hlan nghal.
Nimina sawrkar thar lawmluh zawh rual khan sports minister thar pual hian MFA chuan Aizawl City Park-a an office-ah thingpui ruai an buatsaih a, minister hi MLA thar ve bawk Jeje Lalpekhlua’n a tawiawm a ni.
He hunah hian MFA president Lal Thanzara leh MFA hruaitu dangte’n sports minister thar hi lo dawngsawngin, Mizoram football hmathlir tha-hnem tak an neih thu leh chumi hlawhtlinna atana an thawhpui zel an beisei thu te, thinlung taka MFA-in football chhungkua atanga thlan tlin MLA pahnihte chu an lawmpui thu an sawi.
Sports minister thar Tetea Hmar chuan MFA hruaitute zingah party hrang hranga mite awm mah se lungrual taka football hmasawnna atana an thawhho thin thu te, amah ngei pawh MLA a nih theihna atana a thawhpuite’n an duhsak vek thu a sawi.
Sawizawmin, minsiter ni mah se khelmual a chhuahsan dawn loh thu leh Mizorama infiamna hrang hrang tihmasawn tura theihtawp a chhuah tur thu sawiin, chumi atan chuan a thawhpuite fin-chhuahna a mamawh zel tur thu a sawi bawk.
MFA president Lal Thanzar pawhin thu sawi-in, “Lalpa’n thil ropui tak min tihsak a ni,” tiin MFA-in an ziaktulian leh India captain hlui Jeje Lalpek-hluate thinlung taka an lawmpui thu a sawi.