Indian sports ministry chuan tunhnai khan India rama infiamna kaihhnawih chawi-mawina hrang hrang dawng thei tur nominee hming a tarchhuak a, Mizo infiammi lang an awm lo!
Cricketer Mohammed Sha-mi leh wrestler Antim Panghal-te chu Arjuna Award dawng thei tura chhawpchhuah infiam-mi 17 zingah telin, hminglema ‘Brothers of Destruction’ an tih mai Indian badminton player pahnih Satwiksairaj Rankireddy leh Chirag Shetty-te pawh National Sports Awards 2023-a semchhuah tur ngaihhlut hlawh zinga mi Major Dhyan Chand Khel Ratna award dawng thei tur zingah an lang.
Khel Ratna hi India rama infiamna huanga chawimawina sangber niin, kumtin India’s Ministry of Youth Affairs and Sports chuan award dawng tur a thlangchhuak Thin a; thlan-chhuah infiammite chuan President of India kut aTang ngeiin award an dawng Thin.
Tunhma lamin badminton player panga laiin Khel Ratna hi an lo dawng tawh a, chu’ngte chu – Pullela Gopichand (2001), Saina Nehwal (2010), PV Sindhu (2016), Pramod Bhagat (2021) leh Krishna Nagar (2021)-te an ni.
Table tennis player Sharath Kamal chu nikuma he chawi-mawina hlu bik dawng thei awmchhun niin, kum 2020 khan India national sports awards selection committee chuan Khel Ratna dawng thei tur hming panga a thlang a, kum 2021 khan nominee 11 zet an siam thung.
Kumin hian World Athletics Championships leh Asian Games Tokyo-ah gold medal awrh mah se tunhma lama a lo dawn tawh avangin 2020 javelin throw champion Neeraj Chopra chu Khel Ratna dawng tura phochhuah zingah a tel ta lo.
Cricketer Mohammed Shami, archer Aditi Swami, steeplechaser Parul Chaudhary, shooter Aishwary Pratap Singh Tomar leh wrestler Antim Panghal-te chu Khel Ratna hnuai Arjuna Award dawng thei tura ‘recommend’ an ni.
Young Indian Grand-master R Praggnanandhaa coach RB Ramesh chu coach-te chawimawina sang Dro-nacharya Award dawng tura tih a ni bawk.
Indian sports award dawng thei tur chhawpchhuak
Get real time updates directly on you device, subscribe now.
Next Post