Football titi

C Tuchel hian February thlaah Allianz Arena a chhuahsan tur thu lo puang tawh bawk mah se, German club lianah cham chhunzawm turin a inhawng leh tawh viau thung. (Florian Plettenburg)

C Arsenal manager Mikel Arteta chuan Newcastle United leh Sweden striker Alexander Isak chu nipui bazar inhawn huna lak an tum ber atan a hual. (Independent)

C RB Leipzig leh Slovenia striker Benjamin Sesko pawh a man a tlawm zawk dawn vangin Arsenal hian an la zawk mai thei bawk. (Football Transfers)

C Europe a club lian dang ten lak tuma an ngaihven loh nan Arsenal chuan Brazilian centre-back Gabriel chu contract thar ziahpui thuai an duh a. Kum 26 mi Gabriel nen hian contract thar chungchanga indawr turin an inhawng reng. (Football Insider)

C Manchester United chuan season tawp ruala contract hmang zo tur France international midfielder Adrien Rabiot agent an dawr.(Team Talk)

C Aston Villa chuan Galatasaray atanga an hawh mek Italy midfielder Nicolo Zaniolo chu a ngheta lak tumna an nei lo. (Tuttomercatoweb – in Italian)

C Everton chuan club lian zawkte ngaihven Jarrad Branthwaite chu kum khat tal an hnenah a cham chhunzawm leh an beisei a. Manchester United erawh chuan kum 21 mi hi £60-70m sengin an lak theih ngei an inring viau thung. (Football Insider)

C Nipui bazar inhawn hunah Brazil forward Richarlison dawrtu an awm a nih chuan Tottenham in tha taka dawnsawn an tum. (Telegraph – subscription required)

C Real Madrid chuan kum 16 mi River Plate leh Argentina Under-20s midfielder Franco Mastantuono an thlithlai. (Fabrizio Romano)

C Barcelona chuan Arsenal leh Ghana midfielder Thomas Partey chu nipui bazar inhawn huna lak an tum ber atan an dah. (Caught Offside)

C Manchester City chuan Lazio goalkeeper Christos Mandas lak an rilruk a, Manchester United pawhin kum 22 mi hi an ngaihven ve bawk. (Corriere dello Sport, via Teamtalk)

C Crystal Palace sporting director Dougie Freedman chu Newcastle United sporting director thar ni thei pathum zingah a tel. (Mail)

C Lioverpool leh West Ham nen an indawr hlawhtlin loh hnuin Sporting Lisbon manager Ruben Amorim chuan Chelsea nen an indawr ngei rih a pha lem lo. (Mirror)

C Inter Miami chuan Real Madrid leh Argentina midfielder Angel Di Maria lak tumin an dawr. (ESPN Argentina, via Marca)

C Season tawp ruala AC Milan chhuahsan tur manager Stefano Pioli chu Napoli manager thar ni tura rinkai ber a ni. (Gazzetta dello Sport – in Italian)

C Arsenal chuan nipui bazar inhawn hunah Brazil forward Gabriel Jesus hralh an hreh lo va, dawrna dawngsawng turin an inpeih reng. (Football Insider)

C Ghana midfielder Thomas Partey leh Jesus hi Saudi Arabia club ten an bengkhawn hlawm a, contract mawm tak ziahpui an huam hlawm. (Express)

C Bayern Munich atanga chhuak tur coach Thomas Tuchel chu Erik ten Hag thlaka Manchester United manager thar ni tura rinkai ber a ni mek. United hian nipui bazar inhawn hunah an manager Ten Hag hi an chhuahtir ngei hmel. (Football Insider)

C Ten Hag hi Tuchel thlaka Bayern Munich manager thar ni tura rinkai zingah a tel ve bawk. (Florian Plettenberg)

C Newcastle chhuahsan tura sawi striker Callum Wilson a hma lam hun tur a chiang lo chhunzawm zel. (Mirror)

C Borussia Dortmund chuan Manchester United atanga an hawh mek England winger Jadon Sancho chu season tharah pawh kawl chhunzawm an duh a. Mah se German club hian a ngheta la tur erawh chuan an tlin lo thung. (Sky Sport Germany)

C Manchester United chuan Jadon Sancho leh England forward Mason Greenwood te hralhna atangin £100m tuak ngah theih an inbeisei. (Give Me Sport)

C Arsenal manager Mikel Arteta chuan season tharah an tlarhma thuam chak tumin ngaihtuahna a seng mek a, Stuttgart leh Guinea striker Serhou Guirassy chu Gunners in lak an tum zingah a tel tih hailan a ni. (Fichajes – in Spanish)

C England midfielder Kalvin Phillips chuan nipui bazar inhawn hunah a club hlui Leeds United-a let leh theih a inbeisei a. Elland Road-a a kir leh kir loh thur hi Premier League-a Leeds United a kaisan leh san lohah a innghat thung ang. (Football Insider)

C Aston Villa chuan Atletico Madrid defender Mario Hermoso an la fel thei tep tawh. (AS – in Spanish)

C AC Milan chuan nipui bazar inhawn hunah Lille atangin Canadian forward Jonathan David lak an tum dawn. (Calciomercato – in Italian)