BJP-in tribal rights tidal: Rahul

Congress-te chuan May 19 khan Modi sorkarin Forest Conservation Amendment Act a kalpui chuan chhinchhiahtlak Forest Rights Act of 2006 a thiat a, BJP te hian tribal rights an tidal a ni, an ti.
Congress general secretary Jairam Ramesh chuan Prime Minister Narendra Modi Jharkhand’s Jamshedpur a rally a neih hma in zawhna chhan tur a pe a.
“Eng vangin nge Jamsehdpur mipui ten connectivity chhe tak an la neih reng? Jharkhand Adivasi CM lung ina khung a nih laiin eng vangin nge 2As leh an black money tempo-load te a zalen taka an vah vel theih? Eng vangin nge Adityapur Industrial Area-in environmental clearance an la nghah? Eng vangin nge PM in Adivasis te religious identity a hnawlsak a, eng vangin nge Sarna code a pawmpui duh loh?” tiin Ramesh chuan zawhna a siam a ni.
Ramesh chuan Jamshedpur chu industrial hub a ni chungin transport connectivity a nei chau lutuk a ti bawk a. Khawpui pawimawh Bhagalpur, Bengaluru leh Delhi tea tlan rel te a tlem lutuk a ti bawk a.
Kum 2016 thleng khan functional airport a nei a, kum 2018-ah UDAN scheme kalpui a ni chungin airport thar siam tumna a awm chuang lo tiin Ramesh chuan a sawi bawk a.
January 2019 daih tawh khan Jharkhand sorkar leh Airports Authority of India te chuan December 2022 a zawhfel hman turin Dhalbhumgarh Airport siam ni se tiin MoU an ziak tawh a ti bawk a.
Airport siam ni se chuan helaia industrial sector ten an hlawkpui em em tur a ni a. Mahse, December 2022 a deatline a thlenin BJP MP te chuan Parliament-ah ngei zawhna an siam chu chhangin Union Civil Aviation Minister chuan project chu an tihtawp thuin a chhang a ni tiin Ramesh chuan a sawi bawk.
Eng vangin nge Modi sorkar hian infrastructure pawimawh lutuk te a ngaihthah theih le. Khawiah nge ‘Sabka Saath Sabka Vikas chu?’ tiin Ramesh chuan a sawi a.
“PM chhuak mai tur thian tha ber ber pahnih te chu black money tam tak an nei chungin ED leh CBI lakah an him tlat a, mahse, Jharkhand Adivasi Chief Minister chu mualpho takin lung inah khungin a awm mek a ni. Bhrasht Janata Party te hian Adivasi identity leh Adivasi rights te chu an tidal mek zel” tiin Ramesh chuan a sawi bawk.
Nikum khan Modi sorkar chuan Forest Conservation Amendment Act an pawm a, Forest Rights Act of 2006 a local community te remtihna lak zel tur tih te chu a thiat a ni. “An tum a chianga Prime Minister best friend tena an duh an tihtheihna tura kawng sialsakna a ni” tiin a sawi bawk a.
“Eng vangin nge ED leh CBI te hian Modi thian tha te an la chhui ve miah loh tlemte talin sawi se,” tiin Ramesh chuan a sawi bawk.