UK PM nupa hausakna 122 M-in pung

British prime minister Rishi Sunak leh a nupui Akshata Murty hauhsakna chu nikum khan 122 million-in a pung tiin Sundat Times Rich List chuan a tarlang.
Sunak-te nupa hausakna chu 651 million pound nia chhutsak niin kum 2023 kha chuan 529 million anga chhutsak a ni thung.
An hausakna punna chhan ber chu Aksatha Murty in Indian IT giant a pa din Infosys a share vang a ni.
Sunak te nupa chu King ai pawhin hausa zawk tiin UK a kumtina mihausa tawntaw te tarlanna list chuan a tarlang.
King Charles III chu nikum kha chuan Sunak family aiin an hausa zawk a, mahse, a mimal hausakna chu tun hnai kumkhat chhungin a pung ve tho bawk.
Sunaks te chu kum 2022 khan khatihliaa Queen aiin an rank a sang bawk a, Elizabeth II mimal hausakna kha khatilai khan 370 million pound ang vela chhutsak a ni.
Mahse monarch te mimal hausakna chu chhutsak harsa tak a ni thung a, monarchy hausakna hrim hrim an estate leh palaces te nen veka chhut chuan pound billion tel tehmeuh hu a ni thung.
Sunak chu kum 35 chhunga Sunday Times’s annual wealth list a front-line politician lang hmasa ber a ni bawk.
Sunak hi politician a nih hma chuan hedge fund manager niin hausa sa tak niin tunah pawh a tax summary atang chuan a sum lakluh leh capital gains a hmuh te chu kum khatah 2.2 million pound a la hawlh a ni.
Mahse a hausakna tak tak leh Briton hausa ber ber te zinga a telna chhan zawk chu a nupuiin Infosys-a share a neih kaltlangin a ni thung a, a nupui Akshata chuan nikum khan share 590 million pound a nei anga chhut a ni.