Congress kan tho leh thei – Lal Thanzara

An tanrual that phawt chuan Congress chu sawrkarna chelh turin a tho leh thei tih an party president Lal Thanzara chuan a sawi
Ningania Aizawl District Congress Committee hruaitu ruat tharte nena an thukhawmnaah MPCC president chuan, tih tak zeta hma an lak chuan, mipui pawhin inthlan lehah sawrkar leh mai thei hmuhin an hmu tih a sawi a. “Kan tanrual chuan kan chak leh thei a ni. Thawhhona boruak a that phawt chuan hlawhtlinna kan chang thei,” a ti.
Party hruaituten ADCC-a mawhphurhna chang tura an ruatte chu party hruaitute chuan an pawm a, an thawhpui that chuan an hlawhtling ang tih a rin thu a sawi.
Congress sawrkar hnathawh tawhte chu thenkhatin an hre loa, hmasawnna hnathawh ropui tak tak chu an sawrkar laia an hnathawh a ni tih Lal Thanzara hian a sawi. “NLUP kha a chhawrtu tam tak an awm a, a chhuanawm a ni. Remna leh muanna thlenna tura Congress party hnathawh kha a hlu em em a, rambuai la hre pha lo chuan an hrethiam lo. Chuvangin kum 36 chhungin engmah an ti lo tih hi chu a dik lo,” a ti.