Unau paruk kum belhkhawma upa ber record

Missouri, USA a unau, hmeichhe rual paruk te chu khawvela unau paruk, la dam kim vek zinga kum belhkhawma upa ber an nih thu Guinness World Record-in a puang. Heng laizawn paruk te kum belhkhawm hi kum 571 leh ni 293 a tling tawh. An unau zinga naupang ber chu kum 88 ni tawhin, a upa ber chu kum 101 a ni tawh bawk.
An upa ber Norma, chu Ohio a cheng a ni a, midang panga- Lorene, Maxine, Doris, Margaret leh Elma te chu Missouri a cheng an ni ve thung.
Elma chuan an unaua han inhnial ve deuh bap bap chang te chu nei ve mah se an thinrim rei tak tak ngai lo niin a sawi a, kum upa tak tak an nih tawh hnu thleng pawhin an intlawhpawhin, an la zinho fo niin a sawi.
An unau zinga upa ber leh an mipa neih chhun Stanley chu la dam se kumin hi a kum 102 tlin kum tur a ni tawh a, mahse, ani hi kum 81 mi niin, thirsakawra chetsualna avangin a boral tawh a ni.