BTS member Jimin chuan an solo album pahnihna tur chu ‘MUSE’ tih a nih thu puangin, hla pasarih awmna album thar hi July ni 19-ah a tlangzarh dawn tih a puang nghal bawk. Jimin hian 2023 khan a debut solo album ‘FACE’ a lo tlangzarh tawh a, he album hi Billboard 200 (albums) chart-ah pawh No.2 a kai nghe nghe a ni. Tuna a album tarah hian a single, nikum December-a tihchhuah tawh ‘Closer Than This’ pawh a dah tel ang.
BigHit Music-in Weverse-a an thuchuahah chuan, “A solo album hmasa ber ‘FACE’-ah khan a nihna tak tak a zawn chhuahna a ni a, ‘MUSE’-ah hi chuan engin nge amah hneh a, kaihruai ber tih a inzawn chhuahna a ni ve thung,” tiin an tarlang a, “Jimin hian a rimawi khawvel rah chin ram a zauh a ni,” an ti bawk.
Jimin hian 2018 khan a solo project hmasa ber buaipuiin, a debut solo single ‘Promise’ a tichhuak a, kum nga hnuah chuan a hla ‘Like Crazy’ chu Billboard Hot 100 (singles) chart-ah No.1 kaiin, South Korean soloist zinga he chart-a No.1 kai thei hla nei hmasa ber a ni a, FACE atanga a single ‘Set Me Free, Pt.2’ pawh No.30 a kai pui bawk.
Jimin hi nikum December khan thla 18 chhung South Korean military zawm turin sipaiah a inziak lut a, a bandmate V, Jung Kook leh RM te nen December thlaa lut vek an ni. Tunah hian BTS member Jin chuan a sipai tan hun chhung zovin, kar liamta mai khan sipai a chhuahsan tawh a, member dang zawng chu sipai-ah an la tang vek a ni.
Jimin album pahnihna tur ‘MUSE’
Get real time updates directly on you device, subscribe now.
Next Post