Mizoram CSR Cell \hukhawm

Nimin khan Mizoram CSR Cell te chu an chairman TBC Lalvenchhunga, Adviser to CM hovin a office-ah an \hukhawm a. UNDP-in Mizorama CSR kaltlanga hmalakna tam zawk a awm theih nana Bangalore khawpuia programme neih an rawtna chu meeting hian a remti a ni.
CSR Cell hian kum 2024 chhunga an thawh tur hna bituk (road map) fel tak an duang a. Chungte chu thla bia tihhlawhtlin tur chin thliar sin lehin, an hmachhawp hmasa CSR Database changtlung tak siam tura mawhphurhna pek ten meeting-ah hian report an pe a. CSR Funding Source lam Database hi an zo thawkhat tawh a ni.
Mizoramah CSR Fund rawn pe duh engemawzat awm mah se dan ang taka lo dawng thei turin chak taka hma lak zel a ni a. A bikin project lian hote lo dawnna tur Trust din tura hmalaknate kalpui a ni.
Tunah hian Mizorama CSR fund hmanga thawh theih chi Investible Projects/concept paper khawn khawm leh tur a ni a. Chumi zawh chuan capacity building/ sensitization kalpui leh a ni ang.
CSR fund hmu mek te, dil tum leh dil mekten an hmalakna CSR Cell kaltlanga an tih zel a ngai hran lova. Mizorama CSR fund che vel dinhmun chiang taka chhinchhiah a nih theih nan CSR Cell hi hrilhhriat thin tur a ni. Department, NGOs leh Trusts ten Mizoram tana CSR Fund a tam thei ang ber an haichhuah hi CSR Cell duh ber a ni a, Cell hi facilitator a ni.
Non-Profit NGO ten tun aia CSR dawn lama hma kan sawn theih nan leh CSR dawng thei NGO tam zawk an awm theih nan; Income Tax Act 1961 hnuaia 12A emaw 80G Registration nei tawh leh nei tura buaipui mek te chu a hnuaia e-mail address tarlanah hian an NGO chungchang lehkha thehlut vek turin sawm an ni. Thehluhna tur email address chu: cmo-csr@mizoram.gov.in a ni.