North Korea in Russia a pui ngei : NATO

North Korea in Russia a pui ngei : NATO
NATO secretary general Mark Rutte chuan thawhtanni khan North Korea chuan Russia sipaite pui turin a mi leh sa a tir ngei tih a sawi a, Ukraine nen kum thum chuang an inbeih hnu hian North Korea hian Russia puihna hi a pek thu a sawi.
Rutte-a sawi danin, heng North Korea sipai tirhte hian Russia ramri an bel ber a, a then chu Kursk hmunah inkhuarin, Ukraine ho dolet hna an thawk nasa hle a ti.
A sawi zel danin, vawiin hian he thil hi a chiang ngei tih ka hre zual a, thudik tak pawh a ni. North Korea hian Russia hi a lo pui ngei a, an sipaite hian ramri lamah Russia hi an pui a ni, a ti zui bawk.
Kar liam ta khan Ukraine president Volodymyr Zelensky chuan North Korea in Russia a puih thu a lo sawi nasa tawh hle a, indona hmunah thlengin an awm thu a lo sawi tawh bakah, an vaiin North Korea sipaite hi singkhat an chuan a rin thu a lo sawi tawh a ni.
Mahse, ram pahnih hian engmah an sawi duh loh avang leh, a tihchianna tur engmah a awm loh avangin an pui ngei em tih a hriat theih loh a, tuna NATO hruaitu lawkin a finfiahna nen thlapa neia a insawi hnu hi chuan N. Korea hian a lo pui ngei tih a tichiang hle nia ngaih a ni.
Hetihlai hian Moscow chuan he thil hi thubelhchian dawl lo, phuahchawp mai a nih thu a la sawi fan a, Ukraine lam thudik lo vawrh mai mai niin a la sawi bakah, N. Korea nen indona chungchangah eng inremna mah an neih loh thu a la sawi fan thung a ni.