Banelh chak Lalruattluanga kutah chawimawina
Kan hnung lawk Asian Arm Wrestling International Cup khelh zawh tak kg 80 senior men huanga champion Denic Lalruattluanga, ITI veng chu 33rd Lelte Award 2024 Young Achievar Award hlan niin, he hunah hian Mizoram sports huang atanga award dawng awmchhun a ni.
USAM president Master VL Sawma kut atangin Denic-a hian chawimawina dawngin, kum 13 a nih atanga tih takzeta arm wrestling luhchilh tawh leh kum 26 a nihthlenga rim taka thawk thin a nihna chuan fak a hlawh a, Asia champion ni tura a beih hram hramna chu Lelte Award buatsaihtute pawhin an hmuhhmaih lo a ni.
Denic-a hi Mizo arm wrestler zingah India junior huanga champion of champions hmasaber dawttu ni tawhin, national senior huangah pawh champion of champions a ni zui leh thei a; Mizoram arm wrestler zinga national medal la hnem ber a ni.
Mizoram Arm Wrestling Championship hrang hranga a inlan tawhah a chungnung fal rei hle a, tum 14 ngawt champion of champions ni thei hian Mizoram pawn lam India lailum thlengin record chhuanawm tak a kawl a; tun din hmunah hian Mizoram leh NE India mai ni lo India ram pumpui huapin ani tluka win streak tha hi an awm rih lo ang tih ngam a ni.
Banelh chak Lalruattluanga kutah chawimawina
Get real time updates directly on you device, subscribe now.
Prev Post
Next Post