Pakistan-in firfiak beihna tuar nasa

Pakistan-in firfiak beihna tuar nasa
Thla liamta, November thla chhung khan Pakistan chuan firfiakte beihna leh buaina hrang hrangah nunna chan mi 245 chuang an nei.
Pakistan Institute for Conflict and Security Studies (PICSS) chuan an chhiatna tawh hi tarlangin, heng nunna chan zingah hian firfiak 127 leh civil mi 50 an tel thu an sawi.
November thla kha kumin chhunga thihna tam ber thla erawh chu ni lovin, a pahnihna a ni a. A tam ber thla erawh August kha a nih thu PICSS chuan a tarlang.
August thlaah khan mi 254 an thi a, an zingah hian civil mi 92, firfiak 108 leh venhimna thawktu 54 an awm a ni. Venhimna hnathawktute atanga thlir erawh chuan November thla kha thi an tam ber tum erawh a ni a, mi 62 an thi a ni.
PICSS hian rampumah firfiakte laka beihpui thlakna a tam chhoh avangin nunna chan pawh hi an tam niin an sawi a, bomb leh buaina hrang hrang chhuakte chu nunna chan tam chhan a nih thu an sawi bawk.