Ruihhlo dona ah mipui rawtna kan ngaithla ang – Excise & Narcotics minister

Ruihhlo dona ah mipui
rawtna kan ngaithla ang
– Excise & Narcotics minister
Ruihhlo do dan turah mipui ngaihdan leh rawtna an ngaithla dawn tih Excise & Narcotics minister Lalnghinglova Hmar chuan a sawi.
Ningania Champhaia ruihhlo do dan tur ngaihtuaha a kaihhnawih sawrkar hotute, village council, tlawmngai pawl leh kohhran hruaitute an tel. Ruihhlo do dan hrilh turin an kal loa, Champhaia ruihhlo do dan tur chu Champhai miten an hre zawk a, an ngaihdan leh rawtna ngaithla a, thawhhona tha zawk a awm theih dan sawiho tura kal an ni tih minister hian a sawi.
“Mizoram sawrkar chu mipui sawrkar a nih angin, ruihhlo do kawngah mipuiin sawi nei ve se kan duh a, sawiselna pawh kan pawm vek a ni,” a ti.
Ruihhlo do kawngah sawrkar chuan theihtawp chhuah inhuam mah se, sawrkar tha ringawt a tawk lo tih Lalnghinglova Hmar hian a sawi a. Sawrkar, khawtlang, tlawmngai pawl leh kohhran thawhhona a ngai tih a sawi a ni.
Joint VC hruaitute, Sub Hqrs YMA hruaitute, kohhran hruaitute leh sawrkar official-ten ruihhlo do kawnga hma an lakna leh an ngaihpawimawh an sawi a. Excise & Narcotics joint commissioner Peter Zohmingthanga chuan Narcotic Drugs and Psychotropic Substances (NDPS) Act a sawizau a ni.